Kuzuze u-etv ngokulahleka kwenqwaba yababukeli beSABC

2017-02-15 19:37

Cape Town – Kuphenduke kwaba yinhlekelele yodwa ukuphazamiseka kwezinhlelo zakaSABC ngesikhathi kuqhubeka imidlalo ye-African Cup of Nations 2017 (AFCON) njengoba igcine ilahlekelwe ababukeli abangu-18.8 million ngoJanuwari ngesikhathi ifaka izinhlelo zayo ezibukwa kakhulu eziteshini ezincane ekubeni imidlalo yebhola engene esikhaleni salezi zinhlelo ingazange ibadonse ababukeli.

Ababukeli bakhombise ukuyishalazela imidlalo ye-AFCON kanti ngaphezu kwalokhu abazange bayingene eyokulandela izinhlelo zabo abazithandayo ukuze bazibukele eziteshini ezincane zeSABC.

Lokhu kwehla kwesibalo sababukeli okungaphezu kuka-18.8 million kugqeme ingozi engeqiwa ntwala kulo msakazeli womphakathi njengoba kusanda kuvela ukuthi uyehluleka ukwenza inzuzo.

IGenerations The Legacy nejwayele ukudlala kuSABC1 ishintshelwe kuSABC3 – okuyisona siteshi esincane kunazo zonke eziteshini zikamabonakude zeSABC – nokuholele ekulahlekeni kwababukeli abangu-7.3 million.

OLUNYE UDABA: Abalingisi badinwe bayaveva ngesinqumo se-SABC

Lolu hlelo oluyintandokazi luhleleke ngisho nawukungena phakathi kwezinhlelo ezingu-20 ezibukwe kakhulu kuSABC3 ngoJanuwari.

Ngakolunye uhlangothi ababukeli bo-Uzalo – olujwayele ukudlala kuSABC1 kodwa obeseludlala kuSABC2 - kwehle ngababukeli abangu-6.6 million.

ISkeem Saamesijwayele ukudlala kuSABC1, naso ebese sidlala kuSABC2 – silahlekelwe ababukeli abangaphezu kuka-4.8 million.

Okuthuse kakhulu, ukuthi uZalo kanye neSkeem Saam akubanga ngezinye zezinhlelo ezingu-20 ezibukwe kakhulu kuSABC2 ngoJanuwari.

Okwenze isimo saphinde sasibi kakhulu, ukuthi awukho nowodwa umdlalo we-AFCON obe phakathi kwezinhlelo ezibukwe kakhulu.

Ngakolunye uhlangothi, ukubaleka kwenqwaba yababukeli kuSABC kwenze sanyuka ngamalengiso isibalo sababukeli bezimbangi ezinkulu, u-e.tv.

Ababukeli bomdlalo waka-e.tv, nobangisana neGenerations, iGold Diggers, banyuke bafinyelela ku-3.3 million.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.