Kwethulwe umcimbi wokuklonyeliswa ko-DJ eThekwini

2017-08-22 07:01

Durban - Kulindeleke ukuthi imbokodo ibambe iqhaza emcimbini ozobe ungowokuqala walolu hlobo edolobheni iTheku.

Lo mcimbi owaziwa nge-South African DJ Awards wethulwe ngokusemthethweni ngempelasonto eLangeni Hotel, eThekwini, lapho kuvezwe khona o-DJ abaphakanyiselwe ukuthola izindondo.

Abahleli balo mcimbi bathi bazungeza iNingizimu Afrika yonke ngenhloso yokwazisa imiphakathi kanye nabo o-DJ ngalo mcimbi ngoba bafuna ukufinyelela kuwo wonke umuntu.

UNonny Siphika oyisikhulu sezokuxhumana uthe: "Sifuna ukuhlonipha wonke umuntu kule mboni ngoba baningi abantu abanamakhono kodwa abangahlonishwa ngeqhaza labo."

Uqhubeke wathi o-DJ benza umsebenzi oncomekayo wokujabulisa abantu ezindaweni zobumnandi futhi basebenzisane nabaculi kodwa kukancane ukubona o-DJ behlonishwa ngomsebenzi wabo.

OLUNYE UDABA:Bacishe babambana ngezihluthu emcimbini o-DJ Tira noProfessor

USiphika uthe basazohambela eKapa naseGoli ukuvundulula ithalente lo-DJ abasafufusa ukuze bathole amathuba okuqhakambisa amakhono abo futhi bafunde nangezindlela zokuba yingxenye yalo mcimbi.

O-DJ abanentshisekelo yokungenela kokubamba iqhaza kulokhu bangathumela umculo wabo odidiyelwe ku-www.sadjawards.co.za.

Ukuvota kuzovulwa ekuqaleni kukaSepthemba kanti umcimbi omkhulu uzobanjelwe eNkosi Albert Luthuli, khona eThekwini, ngomhlaka-23 kuDisemba.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.