LALELA: UKelly ulandisa ngemizuzu yokugcina kaSenzo Meyiwa

2017-08-25 18:03

Johannesburg – Umculi uKelly Khumalo usebenzise inkonsathi yakhe ukukhuluma ngemizuzu yokugcina kalowo owayengunozinti we-Orlando Pirates neBafana Bafana, uSenzo Meyiwa.

Ekhuluma ubezwakala ekhala, kuzwakala nezihlwele zizwelana naye, kubika iSowetan.

Ikhonsathi kaKelly, ebesihloko sithi Up Close and Personal with Kelly Khumalo, ibibanjelwe eGoli ngoLwesine ebusuku.

Kule khonsathi kudlalwe umqopho lapho elandisa khona ngokwenzeka ngosuku okwashona ngalo uMeyiwa.

Uthi yena nabangani bakhe noMeyiwa baya emzini kamama wakhe oseVosloorus beyodla isidlo sasemini. Uthi lokhu babekwenza njalo ngeSonto, kepha ngomhlaka-26 Okthoba 2014 usuku lwaphela sekumuncu.

“Kwakuwusuku olumnandi, sijabule. Kwathi sesizohamba kwazwakala kukhona okushaya isicabha, sase siyavuleka kwangena amadoda amabili. Omunye wangikhomba ngesibhamu efuna imali nomakhalekhukhwini ngase ngiyabaleka ngiya egumbini likadadewethu. Wangilandela ngase ngiphusha isicabha ngizama ukusivala, waqhubeka nokusiphusha waze wadikibala,” kuchaza uKelly.

UKelly uthi wayezama ukusindisa impilo yakhe wayesekhohlwe nayizingane zakhe.

“Kwathi kusenjalo uSenzo wagijima weza kimi. Ngangicabanga ukuthi uzama ukungivikela ezigebengwini, kepha wayenegazi esifubeni nasemhlane. Yilapho engabona khona ukuthi udutshuliwe. Asikwazanga ngisho ukulinda i-ambulensi, samphuthumisa esibhedlela. Ngenza konke okusemandleni ngoba ngangingafuni acabange ukuthi ngimyekelelile," esho ekhala.

Lalela lapha ngezansi echaza ngemizuzu yokugcina kaMeyiwa:

The most painful part of the show ???????????? #UpCloseAndPersonalWithKellyKhumalo

A post shared by Arthur Mafokate (@arthurmafokate) on

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.