Ligwetshiwe ikhansela ebelihola lihleli ekhaya

2018-03-31 09:19

Durban - Ligwetshwe iminyaka emihlanu libhadla ejele kumbe likhokhe u-R50 000 ikhansela lomkhandlu kaMasipla iDr Nkosazana Dlamini-Zuma esifundeni IHarry Gwala, eningizimu yesifundazwe iKwaZulu-Natal, ngezinsolo zomkhonyovu.

Umsolwa uNomalungelo Magoso ulahlwe yicala lokukhwabanisa eNkantolo ePhathelene nezeziMali eThekwini ngoLwesine.

Lokhu kulandela ukuthi kutholakale ukuthi waba ngomunye owahlomula ekukhwabaniseni imali yomkhandlu wesifunda iHarry Gwala lapho kwatholwa izipoki zabasebenzi abangu-80 ababehola imali yomkhandlu kodwa bengasebenzi. 

Kukholakala ukuthi naye wayengomunye wabantu "abayizipoki".

OLUNYE UDABA: Lisenyakanyakeni ikhansela elishaye elinye

Nokho, usaqhubeka nomsebenzi wokuba yikhansela lomkhandlu kaMasipala iDr Nkosazana Dlamini-Zuma.

IMeya yakulo mkhandlu uNkz Ngeneleni Mncwabe uthe ngeke akhulume ngokuzokwenzeka njengoba udaba luzodluliselwa enhlanganweni uKhongolose.

“Angifune kukhuluma kube sengathi ngihlekisa ngaye ngoba uzakwethu lo okukhulunywa ngaye futhi sonke sizalwa yinhlangano eyodwa.

"Ngicela usinike isikhathi siqale siludlulisele ngaphambili enhlanganweni lolu daba kube yiyona ethatha isinqumo," kusho uNkz Mncwabe.

USihlalo we-ANC esifundeni iHarry Gwala, uMnuz Zamo Nxumalo, akatholakalanga ukuba aphawule.

 

 

 

 

 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.