Lizobuyela enkantolo ngezayo 'elabangani' abasolwa ngokubulala abantu abangu-11

2018-04-17 07:34

Abamangalelwa ababili kwabayisihlanu abaziwa ngela"babulali baseKrugersdorp" bafuna ukungena ezingxoxweni noMbuso, kutshelwe iNkantolo eNkulu yaseGoli ngoMsombuluko.

Lokhu kuholele ekutheni iJaji uRatha Mokgoatlheng alihlehlisele inyanga ezayo leli cala.

UCecilia Steyn, 37, uZak Valentine, 33, uMarinda Steyn, 51, nendodana yakhe uLe Roux Steyn, 22, nendodakazi uMarcel, 20, bavele enkantolo namhlanje ngamacala angu-32 okubalwa kuwo ukubulala, ukuphanga besebenzisa indluzula, ukweba, ukukhwabanisa, ukusabisa nezenzo zobugelekeqe.

Lesi sigejane sisolwa ngokubulala abantu abangu-11 phakathi kuka-2012 no-2016.

Kuthiwa lezi zigameko zaqala ngesikhathi uCecilia Steyn, ozibiza ngodokotela wengqondo wezingane, exabana nomfundisi esontweni ayekhonza kulo, i-Overcomers Through Christ.

OLUNYE UDABA: Kuboshwe owesilisa ngelokubulala isalukazi

Kuthiwa lezi zigameko wayezenza nomngani wakhe omkhulu, owayephinde afundise esikoleni samabanga aphezulu, uMarinda Steyn, kanye nalowo osebenzela inkampani yomshwalense uValentine.

Izingane zikaMarinda, oLe Roux noMarcel, nazo zisolwa ngokuba nesandla kulezi zigameko zokubulala.

UMokgoatlheng ulihlehlisele inyanga ezayo leli cala njengoba abamangalelwa ababili kulaba benesifiso sokungena ezingxoxweni noMbuso. Akucaci nokho-ke ukuthi yibaphi la bamangalelwa okukhulunywa ngabo.

Omunye umsolwa, okunguJohn Barnard, 42, wagwetshwa iminyaka engu-20 ejele ngomhlaka-14 Disemba 2016 ngemuva kokuvuma amacala angu-13 okubalwa kuwo ukubulala nokuphanga esebenzisa indluzula.

Uzovela enkantolo njengofakazi woMbuso.

Udaba oluphelele lapha.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.