MAMGOBHOZI: OkukaRamaphosa yitulo lokumcekela phansi, okwabanye yiqiniso?

2017-09-04 12:30

Durban - Umbiko mayelana nePhini likaMengameli uCyril Ramaphosa seliveze okukhulu ngokungathembeki kwabezindaba.

Ekuqaleni kwalo nyaka, “kwaputshuka” amameyili okuthiwa abethunyelwa ngabakwaGupta kubantu abangabaholi bakahulumeni okubalwa kubo oNgqongqoshe kanye namanye amalungu asephalamende.

Ngesikhathi kuphuma le milayezo, abezindaba bebesho amashushu bephansi phezulu bavumelana ngazwi linye ukuthi ngempela kuningi okwenziwa ngabakwaGupta ukuqhuba inkohlakalo kanye nabaholi bakahulumeni abangathembekile.

Kuso sonke lesi sikhathi, akekho owayephendula le mibuzo: Atholakale kanjani lawamameyili futhi ubani owatholile?

Kwathi ngesikhathi abe-Black First Land First bebuza le mibuzo, kwathiwa bayizishacalala zabakwaGupta futhi akukho vele abangakusho sikulalele.

Wonke umuntu wayevumelana ngalokhu, ilokhu iputshuka kancane kancane imibiko yalawa mameyili.

OLUNYE UDABA:Uzame wancama uRamaphosa ukunqanda udaba lwezintombi zakhe ezingu-8

Namuhla, sivuka ngodaba lukaRamaphosa “nokuputshuka” kwamameyili.

Gwiqiqi, hhayi wumkhankaso wokudicilela phansi igama lakhe. Vele yake yasho inhlangano yakuleli yabaHleli bezindaba ukuthi zikhona izintathele ezisetshenziswayo ukudicilela phansi amagama abantu.

Hawu, kanjani manje ngoba phela, ukuputshuka kamameyili kuyinhlalayenza kuleli, sifunzwe wona ngisho sesisithi kuthiwa vele kunje sikholwe, sikhulume size some amathe.

Ningangizwa kabi, nize nithi nami ngiyisishacalala salo mndeni, ngibuza-nje ukuthi, uma kuphuma imibiko ngabakwa-Gupta kuthiwa yiqiniso, uma kuphuma imibiko ngabanye abantu, kuthiwa kuthengwe izintatheli, sikholwe bani uma kunjena.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.