Ngimanxebanxeba ngenxa yabantu engakhula nabo - Zuma

2018-04-06 18:00

Durban - Lowo owayengumengameli uJacob Zuma usekhwele wadilika kulabo abamgxekayo wathi umidwayidwa ngenxa yabantu akhula nabo.

UZuma ubekhuluma ngaphandle kweNkantolo eNkulu yaseThekwini ngoLwesihlanu ekuseni ngemuva kokuvela enkantolo, icala lahlehliswa.

Uthe kuyaxaka ukuthi namanje usabhekene namacala ake abekwa wona ngaphambilini.

UZuma ukhulume nezinkulungwane zabalandeli bakhe wathi ukubuyiselwa enkantolo kwala macala ake abekwa wona ngaphambilini kunenhlense yepolitiki.

Abalandeli baZuma babambe umlindelo ngoLwesine kwathi ekuseni ngoLwesihlanu bamashela enkantolo lapho bekuvela khona lo mholi ngamacala amayelana nokuthengwa kwezikhali.

OLUNYE UDABA: Bazozisola ngokubuyisela la macala - Zuma

Leli cala libe selihlehliselwa umhlaka-8 Juni.

UMshushisi woMbuso uBilly Downer uchazele inkantolo ukuthi kungani befuna leli cala lihlehliswe.

"Isizathu sokuhlehliswa kwecala sikabili. Okokuqala, sitshelwe ukuthi umsolwa wokuqala uMnu Zuma uzimisele ngokufaka isicelo ngesinqumo sokumshushisa futhi. Ngaleyo ndlela-ke simnikeza isikhathi ngethemba lokuthi konke kuzobe sekuphothuliwe maphakathi noMeyi."

UZuma nethimba lakhe labameli kulindeleke ukuba babuyele enkantolo ngoJuni, kepha konke kuncike ekutheni isicelo sikaZuma sokubuyekezwa kwesinqumo sizobe sesiphothuliwe na.

IJaji uThemba Sishi ulihlehlisile icala wabe esememezela ukuthi uZuma uzodedelwa ngesexwayiso.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.