Ngiphelelwa amazwi okuchaza le nto eyenzekile - Khune

2017-09-17 08:35

Johannesburg -  Unozinti u-Itumeleng Khune uzwakalise ukuthi akathokozile neze ukuthi iKaizer Chiefs ivumele ukuphucwa iqatha emlonyeni yiBidvest Wits ngokuthi ingenelwe yigoli sekusele amanenjane umdlalo uphele ngoMgqibelo ebusuku.

AmaKhosi abesenukelwa ngamaphuzu amathathu emakhaleni ngesikhathi u-Amr Gamal ebhakuzisa inethi ngemizuzu yokugcina yomdlalo, kubika iKickOff.com.

Lo nozinti weChiefs uthe kumele baphindele emuva bayozinuka amakhwapha.

“Angijabule neze, empeleni ngidangele. Indlela esizidayise ngayo ngomzuzu wokugcina ngokuthi singelewe yigoli ngaleya ndlela,” kusho uKhune etshela iSuperSport TV.

OLUNYE UDABA: Akekho umuntu ofuna ukuphuthwa yiDerby – Khune

"Into efanayo yenzeka ngesizini edlule sidlala neGolden Arrows, lapho sangenelwa khona yigoli ngemizuzu yokugcina yomdlalo. Asizange siwunake umdlalo kwaze kwaba sekupheleni.

“Kule midlalo kumele sihlale simehlomane kuze kube kukhala impempe yokuphela komdlalo. Angazi nokuthi ngingayichaza kanjani eyokungenelwa yileli goli.

“Sisebenze kanzima safaka igoli, kepha sahluleka ukushaya amadoda yize ebengasaphelele. Kumele sibuyele emuva sibheke ukuthi le nto singayilungisa kanjani."

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.