Ningayeki ukufaka i-ANC enkantolo ize ifunde ukuhola – Bheki Cele

2017-08-15 07:02

Durban – ILungu leNational Executive Committee (NEC) ye-ANC, uBheki Cele, ushaywa amahloni ngokuhluleka kwe-NEC ukuhola inhlangano, nokugcina sekuholela ekutheni amalungu ayo anikele ezinkantolo.

“Kumele sishaywe amahloni, ngishaywa amahloni. Umlando kuzomele usijezise ngokuvumela izinkantolo ukuthi zisihole,” kusho uCele.

UCele, nophinde abe nguSekela Ngqongqoshe wezoLimo, ezamaHlathi kanye nezokuDoba, ubekhuluma namagatsha e-ANC eMlazi ngeSonto ngaphambi kwecala lasenkantolo ekade lalindelwa elibhekene nobuholi be-ANC KwaZulu-Natal.

Amalungu e-ANC esifundazweni afuna kuchithwe ingqungquthela yangonyaka ka-2015 yesifundazwe, njengoba ekhala ngokuthi azihambanga kahle izinhlelo zayo.

Lowo owayenguNdunankulu wesifundazwe futhi enguSihlalo we-ANC esifundazweni, uSenzo Mchunu, wakhala ngaphansi kule ngqungquthela, nalapho kwakhethwa khona osenguSihlalo, uSihle Zikalala, kanye neProvincial Executive Committee (PEC) ekhona njengamanje.

OLUNYE UDABA:AmaLunga ePhalamende e-ANC ‘ayizephulamthetho’ angeke axoshwe – Umhlaziyi

La malungu angeneme afuna ukuba kugudluzwe iPEC yesifundazwe ekhona njengamanje, kuphinde kubuyiselwe emuva zonke izinqumo esizithathile kusukela yaqokwa. Lolu daba luzolalelwa yibhentshi eliphelele eNkantolo eNkulu yaseMgungundlovu kusukela ngoLwesithathu kuya kuLwesihlanu.

“Ungalenzi iphutha lokucabanga ukuthi leli cala limayelana nabantu abathile. Limayelana ne-ANC kanye nokuhluleka kwayo ukuhola njenge-ANC. I-NEC ye-ANC kumele yamukele ukuthi ithina okumele siphendule ngaleli cala. Siyahluleka ukuhola,” uCele usho kanjalo maqede kwahwaza izethameli ehholo.

Uthi i-ANC isikhombise kwaze kwaba kaningi ukuthi ayikwazi ukubhekana nengokungaboni ngaso linye okwethulwa ngaphambi kwayo amalungu ayo. Uthi amalungu agcina eseya ezinkantolo ngoba isuke ingasekho into angayenza. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.