Obengumqeqeshi wePirates usekudalulile okumenze washiya

2017-08-11 16:03

Cape Town – Lowo obengumqeqeshi we-Orlando Pirates osanda kusula, uKjell Jonevret , uthi wanquma ukuthi avele asule kule kilabhu ngenxa yokuthi wayengakwazi ukuba nezwi ezinqumweni ezithathwayo.

Lo mqeqeshi ongowokudabuka eSweden uhlale isikhathi esingaphansi kwezinyanga eziyisithupha kwi-Pirates nalapho ahola khona leli qembu kowamanqamu emqhudelwaneni weNedbank Cup nokuyilapho lezi zinkunzi zaseSoweto zashaywa khona iSuperSport United, kodwa wahluleka wancama ukusiza leli qembu ebe-lidonsa ngodizili ukuba liqede liyingxenye yamaqembu angu-8 aphezulu kwi-log yePSL.

OLUNYE  UDABA: IPirates isayinise obeyisekela likaPitso Mosimane

Kubukeka sengathi lo mqeqeshi oneminyaka engu-55 ubudala ubangenalo nhlobo izwi ngokusayinwa kwabadlali abasha kuMabhakabhaka.

Ngemuva kokusula kwakhe kulandela ukuthelwa induku izimbangi iKaizer Chiefs emqhudelwaneni weCarling Black Label, indawo yakhe ibe isithathwa ngu-Milutin Sredojevich.

Ekhuluma nesiteshi sikamabonakude saseSweden, uJonevret uthe, “Izimo zokusebenza zikhethekile kakhulu ekilabhini. Awubandakanyeki ngokuphelele futhi lokho kuyanengana. Ukuxhumana bekungekuhle kahle futhi bekunzima ukwenza izwi lami lizwakale. Ikilabhu enkulu [enabantu] abaningi kakhulu abafuna ukubandakanyeka futhi bathathe izinqumo.

“Umunxa wepolitiki usezingeni eliphezulu kakhulu ekilabhini. Kodwa ayikho nhlobo imizwa emibi. Mina nekilabhu sahlukana njengabangani.Manje isikhathi sokuthi ngiqhubekele phambili. Ngisakholwa ukuthi ngenza umsebenzi omuhle ngaphansi kwezimo ezinzima.”

NEXT ON NEWS24X

AB praises selfless skipper

2010-11-21 18:15

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.