OKlebe babophe onogada bemeya yaseMandeni

2017-09-20 10:59

Durban – OKlebe sebebophe onogada abathathu bemeya yaseMandeni uSiphesihle Basil Zulu ngokutholakala nezibhamu ezingekho emthethweni, kusho uNgqongqoshe wamaphoyisa uFikile Mbalula ngoLwesithathu.

Abasolwa kulindeleke bavele eNkantolo kaMantshi eThekwini ngoLwesithathu.

Uthe onogada ababoshiwe bebeqashwe yinkampani eyodwa naleyo yonogada ababili ababegada unobhala wesifunda se-ANC eThekwini uBheki Ntuli, abaxoshwa ngokuqhosha ngezibhamu zabo kwi-video.

Leyo video, eyasabalala ezinkundleni zokuxhumana emasontweni amabili edlule, iveza abesilisa ababili beqhosha ngezibhamu zabo bethi bazobulala umuntu.

Kwi-video, bezwakala bethi: "Izofa inja,” bephethe izibhamu ze-9mm kanye ne-AK-47 phambi kwekhamera.

OLUNYE UDABA: Uzovela enkantolo ophinde wadubula isisulu okwesibili

UMbalula uthe ufuna izimpendulo kwiPrivate Security Industry Regulatory Authority (PSIRA) ngesinyathelo ezosithathela le nkampani yonogada.

"Ngikhulumile ne-PSIRA eqapha ukusebenza kwezinkamani zonogada ezweni – ngeke sibenezinkampani zonogada ezinabasebenzi abephula umthetho,” esho.

Izibhamu ezine ezincane, esisodwa esikhulu kanye nezinhlamvu kushaqwe ngamaphoyisa konogada abathathu.

Izibhamu zizohlolwa ukuthola ukuthi azikaze yini zisetshenziselwe ukwenza ubugebengu. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.