Omunye ogilwe uMMM: Ngalahlekelwa u-R35 000 ngemuva ‘kokujama’ kohlelo

2017-07-12 18:01

Cape Town – Umfundi weFin24, ongathandi ukudalulwa, ulahlekelwe u-R35 000 phakathi kwakhe kanye nesoka lakhe nelahleke ebhanoyini lodumo u-MMM ngemuva kokuthi “kwajama” i-account ngo-Ephreli 2016.

Lolu udaba lwakhe njengoba echaze kanjalo kwi-email:

Ngonyaka odlule isoka lami nami “sanikela” [ngemali] elinganiselwa ku-R35 000 phakathi kwethu sobabili ku-MMM. Ngesikhathi senza lokhu, sasizitshela ukuthi uhulumeni uyazi kanye nokuthi ngokuphelele kuqondile.

Besifuna kuphela ukuba nemali eyengeziwe yethu nyanga zonke, ngale kwemiholo yethu. Lwase uhlelo “lwajama” ngo-April 2016 ase ama-Mavros ayeka ukukhula.

[Uma ngabe abantu ‘benikela’ bathola amaphuzu (points) abizwa ngama-Mavros, nokuwuhlobo lwemali olusetshenziswa kuleli bhanoyi elasungulwa eRussia.]

Sasingajabule kahle ngalokhu, kodwa sasinethemba ngoba sathenjiswa ukuthi ngemuva kwezinyanga ezingu-6 izimali zethu zizofakwa kuma-account ethu.

Ngemuva konyaka kulandela ukuthi “uhlelo lwajama”, akekho umuntu ongasho ngokuthembeka ukuthi babuyelwa ama-"Old Mavros"  njengoba kwakuthenjisiwe, saqala ukubona ukuthi siqoliwe kanye nokuthi kungenzeka ukuthi angeke sisabuyelwa imali, ngoba akekho umuntu obengachaza ukuthi kungani besisalindile, futhi uMMM unamakhasi alinganiselwa kwamathathu aFacebook lapho abantu bexoxa khona.

OLUNYE UDABA: Ogilwe u-MMM uxwayisa ngomkhankaso omusha namaqhinga amasha

Uma uke wabhala igama elithi "Old Mavros" khona, kundiza izinhlamba [uyathukwa] futhi uvele utshelwe ukuthi uthungathe abantu [recruit] bese uyanikela futhi, kulokhu ngokusebenzisa imali entsha ebizwa nge-“bitcoin” ukuze i-"Old Mavros" izokhokhwa ngokushesha.  

[Ngesikhathi abantu sebeyeka ukunikela ngemali kwase kwaba nesomiso samaphoyinti ngonyaka odlule, u-MMM wavele walumisa lolu hlelo wase wabiza amaphoyinti ayesetholakele ngokuthi ama-“Old Mavros”. Ube usuwethula kabusha u-MMM ngonyaka ka-2017, nosuyibhanoyi elisha ceke okuzosetshenzwa ngalo.]

Ngakho saqhubeka nempilo yethu, singenathemba futhi sidonsa kanzima ngokwezimali ngoba lokho esasicabanga ukuthi kuzoba yimpumelelo kwezezimali, empeleni kwakuwukuqolwa.

Ngesonto eledlule ngangena kuwona womabili ama-account ethu a-MMM ukubona nje ukuthi ikhona into entsha. njengoba bengihlale ngenza nakumakhasi akuFacebook womabili kanye nama-account ethu.

NGATHUKA NGOMA! Bebengeke besawakhokhela ama-"Old Mavros" ethu. CHA! Manje bebesitshela ukuthi kumele sinikele FUTHI ukuze lokhu kwenzeke, kanye nokuthi sizothola kuphela u-10% walokho esakufaka njengama-"Old Mavros"!

Mina nesoka lami sithuke kakhulu futhi sicasukile ngoba ngesikhathi sibala lolu hlelo olusha, bekusho ukuthi kumele sinikele ngemali elinganiselwa ku-R350 000, ukuze sibuyelwe u-R35 000! Lowo umbhedo! Asinayo ngisho ikota yaleyo mali, imali ebesiyilondolozile (savings) ihambile!

Ngifisa engathi abantu baMMM bangayeka ukuncenga abantu ukuthi bajoyine nokuthi banikele kuMMM, ngesithembeso senkululeko yezezimali, ngoba uzolahlekelwa yimali yakho kuphela. Kunzima ukushushisa noma ngabe ubani noma ubhekane nanoma ngabe ubani, ngoba bakubiza “ngokunikela emphakathini” kanye “nabantu abasizanayo”. UKUQOLWA OKUKHULU.

Sisazozisola ngesinqumo sethu isikhathi esinde esizayo.

Ukuba nje sasazi kangcono. 

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.