Johannesburg – Umgadli we-Orlando Pirates uTendai Ndoro uthi yena
nozakwabo sebekulinde ngabomvu ukudlala kowomkhaya njengoba sebemi ngomumo
nangesizini ezayo.
UNdoro ngomunye wabadlali abavelele ngesizini eyedlule kumaBhakabhaka.
Lo mdlali, 28, wavalela amagoli angu-10 ngesizini eyedlule, kanti uthi
uselangazelele ukuthi kuqale isizini entsha.
OLUNYE UDABA: Kusegazini ukuvalela amagoli – OwePirates
“Sesikulungele
ukuqala kwesizini entsha. Bonke abadlali bayazicija njengamanje,
sesikulangazelele ukuba senkundleni,” kusho uNdoro etshela iKickOff.com.
“Engikufunayo
nje ukuthi iqembu lenze kahle kule sizini esemnyango,” esho.
Uthe ngeke
bayincenge iKaizer Chiefs uma la maqembu esegadulisana koweCarling Black Label Champion Cup.
