Owesimame watshala ubhatata lapho agqiba khona isidumbu sendodakazi

2017-10-18 19:32

Zambia- Amaphoyisa asifundazweni esisenkabeni yezwe iZambia abophe owesimame, 36, ngecala lokubulala indodakazi yakhe angayizali.

Kukholakala ukuthi lo wesimame wafaka isidumbu sale ngane eneminyaka engu-8 ubudala esakeni wasishiswe, wase emngcwaba emgodini egcekeni lakwakhe ngoDisemba wangonyaka odlule.

Kuthiwa lo wesimame waqhubeka nempilo yakhe waze watshala nobhatata lapho angcwaba khona le ngane.

Ngokubuka kwephephandaba iLusaka Times lo wesimame waboshelwa ukushisa umyeni wakhe, 35, ngamanzi abilayo elele ngemuva kokubuza ngendodakazi yakhe.

OLUNYE UDABA:INGOSI: Ake sibheke udaba lwengane ezalelwe ekhaya

Ngaleso sikhathi lo nkosikazi kuthiwa wayetshela umyeni wakhe ukuthi ingane isihlala esikoleni endaweni yaseMwachisompola kwaze kwabawukuthi kuphela amanga indoda ilokhu ibuze njalo nokuyilapho ayishise khona.

Ngemuva kokuboshwa kwakhe, ukhombise amaphoyisa lapho isidumbu sengane asingcwaba khona esesishisile.

Kuthiwa ingane wayibulala ngokushayisa ngakhanda odongeni. Amaphoyisa akhiphe amathambo ale ngane awadulisela emndenini ukuze bayingcwabe ngesizotha.

Lo wesimame ubhekene necala lokubulala kanye nelokuzama ukubulala umyeni wakhe.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.