OwezeMfundo uphenya ngesomfundi 'omincisa' abanye esikoleni e-KZN

2018-01-25 07:01

Durban - Kusabalale i-video etshengisa umfundi esabisa abanye abathathu ngokubashaya esikoleni, ezinkundleni yezokuxhumana.

Kule video kubonakala umfundi oyedwa esabisa abanye abafundi abathathu abancane kuye ngeminyaka.

Lo mfundi uphinde abonakale egxavuna omunye ngehembe lesikole emdushela phakathi nendawo kwababili. Ngemuva kwesikhashana ube esebaphusha ngesandla ebusweni bobathathu, bese iyaphela i-video.

USihle Mlotshwa okhulumela uMnyango wezeMfundo KwaZulu-Natal uthe sebesihlonzile isikole. Wathi udaba luphenywa yisifunda saseMlazi.

OLUNYE UDABA:Kuthiwa usekubhaceni umfundi,17 owenza uGrade 7

UMlotshwa uthe abanaso isiqiniseko sokuthi le video yaqoshwa nini.

Khonamanjalo, sekusabalale amanye ama-video amabili afana nale selokhu kuqale unyaka ka-2018 wokuvulwa kwezikole.

Kwenye yala ma-video kubonakala amantombazane amabili afunda esikoleni samabanga aphezulu eSydenham eqophisana ngamazwi. Ngemuva kwesikhashan la mantombazane abe esebambana ngamawashingi, elwa, phambi kwabanye abafundi.

Le video yaqoshwa ngaphandle komuzi wakhona endaweni. Kukholakala ukuthi isikole sesibize umhlangano phakathi kwabafundi nabazali.

Kwenye i-video, kubonakala umfundi ejikijela omunye ngesitini.

"UMnyango uphazamisekile ngala ma-video. Ubuqhwaga yinto embi engenayo indawo ezikoleni zethu," kusho uMlotshwa.

Ngo-Agasti wangonyaka odlule, kwaboshwa uLindokuhle Dube ngemuva kokusabalala kwe-video abonakala kuyo eshaya umfundi wentombazane esikoleni iSiyathuthuka Secondary, eNanda.

 - Daily News




NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.