Pitso: UBilliat ufuna ukuyishiya iSundowns

2017-08-14 16:01

Cape Town – Umqeqeshi weMamelodi Sundowns, uPitso Mosimane usekuqinisekisile ukuthi isethenjwa saleli qembu, uKhama Billiat, uyanqaba ukusayina isivumelwano esisha futhi ufuna ukuyishiya le kilabhu.

Lo mdlali oneminyaka engu-26 ubudala unonyaka owodwa omsalele kwinkontileka yakhe kanti kubukeka sengathi usefuna inselelo entsha, nalapho kubhekwe ukuthi lo mdlali weqembu lesizwe eZimbabwe ayodlala e-Europe.

“Uma ngabe evuselela sizomamukela, ungumdlali omuhle, kodwa ufuna ukushiya futhi akafuni ukuvuselela,” uMosimane usho kanjalo ngemuva kokudliwa kweSundowns okuthuse abaningi ikhishwa yiMaritzburg United emqhudelwaneni we-MTN8 esigabeni sama-quarter-final.

OLUNYE UDABA: UPitso ufuna uBrockie azovala indawo kaBilliat

“Yini enye esingayenza? Yimpilo le. Salahlekelwa uKatlego Mphela, saqhubeka sase sawina izinkomishi. Salahlekelwa u-Elias Pelembe futhi sawina izinkomishi.

“Salahlekelwa uLebogang Mokoena, sawina izinkomishi. Salahlekelwa uRamahlwe Mphahlele sasesawina iChampions League. Salahlekelwa uBongani Zungu sase sawina iligi. Sizolahlekelwa abadlali, kodwa sizoqhubeka nokuwina.

“Kodwa singathanda ukuthi ahlale, sifuna ahlale futhi sicabanga ukuthi uzohlala. ISundowns iqinile. Nami ngizohamba bese omunye umuntu asale awine iligi. Ngakho, impilo iyaqhubeka.”

Manje iSundowns isizogxila emdlalweni we-Absa Premiership nalapho izotholana khona phezulu neSuperSport United ngoMgqibelo kulo mdlalo ozoqala ngo-15:00.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.