Sake sayishaya iMazembe, ngakho singayiphinda - Tinkler

2017-10-23 12:31

Johannesburg - Umqeqeshi u-Eric Tinkler uyazi ukuthi iSuperSport United izobhekana nobunzima kowamanqamu eCAF Confederation Cup, kodwa unethemba lokuthi ezakhe zingenza kahle uma sezibhekene ne-TP Mazembe.

UMatsatsantsa anqobe eTunisia ngo-3-1 ngesikhathi edlala neClub Africain, ngaleyo ndlela azitholela indawo kowamanqamu e-CAF, kanti manje sekusele imidlalo emibili ukuba athathe lesi sicoco sase-Afrika.

UTinkler, okungokwesibili efinyelela kowamanqamu e-CCC esikhathini esiyiminyama emithathu, ukholelwa ukuthi iSuperSport ithola ukuzethemba ekwazini ukuthi amanye amaqembu aseNingizimu Afrika aseke ayishaya iMazembe phambilini, futhi nabo bakwazi ukushaya amagoli amabili ngesikhathi bedlala nayo eLubumbashi kulo nyaka.

I-Orlando Pirates neMamelodi Sundowns bakwazi ukwehlula izinkunzi zaseCongo emidlalweni yakamuva, kanti nakuba uzoba ngonzima lo mdlalo, uTinkler unethemba.

OLUNYE UDABA: USuthu lushaye uDowns ekhaya

Ekhuluma ngemuva komdlalo, ngesikhathi ebuzwa ngekilabhu azobhekana nayo kowamanqamu, uthe: “Owamanqamu ne-TP Mazembe… Ukhuluma nekilabhu enesipiliyoni esiningi, ikilabhu esike yanqoba iChampions League kanye neConfederation Cup phambilini, kodwa iyikilabhu esesike sadlala nayo, sayishaya.

“Ngibachazelile abadlali ukuthi sidinga ukufika lapha singenakho ukwesaba nakuba besizobe sidlala phambi kwabalandeli abanonya. Nomdlalo we-TP Mazembe kuzomele sibhekane nawo ngaleyo ndlela, singanaki isipiliyoni abanaso. Sike sabahlula phambilini, sisangabahlula futhi.”

Umlenze wokuqala womdlalo wamanqamu uzoba se-DRC ngempelasonto yangoNovemba 18, kanti owesibili uzoba ngempelasonto elandela leyo ePitoli.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.