Sebezohlawuliswa abahamba becofa amafoni

2017-08-21 19:28

New York – Wonke umuntu oseke wacofa ifoni ebe ehamba uyazi ukuthi umqondo awukwazi ukugxila kahle uma ngabe uzokwenza kokubili ngesikhathi esisodwa.

Yize noma ungase ukwazi ukuthi ufunde uphinde ubhale, kodwa umqondo wakho osugxile kulokho awukwazi ukugxila ekutheni kwenzakalani ezinyaweni zakho.

Yingakho nje idolobha laseMelika, iHonolulu, ngenyanga edlule lishaye umthetho ozokwenza kube yicala ukusebenzisa ama-smartphone ngabantu abahamba ngezinyawo abawela umgwaqo.

Manje iStamford neConnecticut, kungase kube amadolobha esibili aseMelika ukubhekana nalezi zinkinga ngezinhlawulo.

OLUNYE UDABA: #DataMustFall: UVodacom uthi uzibophezele ekwehliseni intengo yama-data

“Iphuzu ukuthi, uma ngabe usesitaladini futhi unganakile, kuyingozi,” kusho iMeya yaseStamford, uDavid Martin. 

Kunocwaningo oluveza ukuthi ukucofoza ifoni kungaholela ekuphazamisekeni kokuhamba.

UJohn Zelinsky, oyilungu leStamford Board of Representatives, uthi uyathemba ukuthi umthetho wokuvalwa kokucofwa komakhalekhukhwini abantu abahamba ngezinyawo uzoshaywa kanye nokuthi uma abahlali sebeqala ukubona amaphoyisa esekhipha izincwadi zezinhlawulo “bazocabanga kabili”. Okwamanje kulindeleke ukuthi ophule umthetho ahlawuliswe u-$30.

Iningi lamadolobha aseMelika selivele selikuvalile ukucofa ifoni kwabashayeli. Kodwa-ke muncane umkhankaso wokuthi kuvalwe nabahamba ngezinyawo ngenhloso yokuqinisa ezokuphepha. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.