Sekubekwe izinsuku okungase kuvotwe ngazo eZim

2018-02-28 07:08

Harare - Abantu baseZimbabwe bazoya okhethweni lukazwelonke ukukhetha umengameli omusha phakathi kukaJulayi 21 no-Agasti 22 nonyaka, kusho inhlangano eyangemele ukhetho eZimbabwe.

Kuzobe kungokokuqala kuyiwa okhethweni selokhu uRobert Mugabe,94, aphoqwa ukuba ehle esikhundleni ngoNovemba wangonyaka odlule, futhi engasekho emhlabeni umholi weqembu eliphikisayo i-MDC-T uMorgan Tsvangirai.

UTsvangirai udlule emhlabeni ngemuva kokugula ephethwe yisifo somdlavuza ekuqaleni kwenyanga kaFebhuwari.

UMengameli weqembu elibusayo iZanu-PF u-Emmerson Mnangagwa, 75, othathe izintambo kuMugabe, uzobe ebanga isikhundla noNelson Chamisa, 40, obambe kwesokuhola iqembu eliphikisayo.

OLUNYE UDABA: Zimkhalele owesifazane otholakale nesidumbu sosana

NgoMsombuluko, uJustice Priscilla Chigumba, usihlalo omusha weZimbabwe Electoral Commission (Zec), uthe nakuba kuyilungelo likamengameli ukumemezela usuku lokhetho, kumele kuhambisane noMthethosisekelo.

UChigumba, othathe izintambo ekupheleni kukaJanuwari, uthi uMthethosisekelo waseZimbabwe uthi ukhetho lukazwelonke kumele lubanjwe zingakadluli izinsuku ezingu-30 ngaphambi kokuphela kwehlandla leminyaka emihlanu likamengameli oholayo.

Ukhetho lokugcina lwalungoJulayi 31, 2013 kanti umengameli wagcotshwa ngo-Agasti 22.

“Lokhu kusho ukuthi ukhetho olulandelayo kumele lubanjwe phakathi kukaJulwai 21 no-Agasti 22, 2018,” kusho uChigumba.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.