Sekubonwa ngokusa kwinkakha yebhola yaseNingizimu Afrika

2017-01-26 18:01

Durban - Sekubonwa  ngokusa   kwinkakha  kanobhutshuzwayo  waseNingizimu   Afrika  exinwe  yisifo somdlavuza  osudlulele  ekutheni  ingaboni  kahle,  kanti  nobuphofu  budla  lubi  kulo mdlali nomdeni wakhe.

UCedric  “Sugar Ray” Xulu  owagqama  edlalela   AmaZulu   neSouth  African  Black XI  usephila  esimweni  esingesihle  sempilo, esesibhebhezelwa  wubuphofu  kwazise   ikhaya  selibhekwe  yindodana  eyodwa.

Lokhu  sekusukumise  abalandeli   boSuthu  nabathandi  bebhola  bahlanganisa  amakhanda ngokuhlela umdlalo  imali ezotholakala  kuwo  iye  esikhwameni sokubhekela lomdlali.

Kuvele   isiphakamiso  sokuthi  lesi   sikhwama   asizogcina ngokubhekela   uXulu  kuphela  kodwa kuzosizwa  nabanye  abadlali abasesimweni  esifana  nesakhe kodwa ngeshwa  abangagqamanga njengaye.

Ezakamuva  zithi   lokhu  kungenxa  yokuthi  kusanda kwedlula  emhlabeni  umama  wekhaya  kanti amadodana  akhe amabili awasebenzi, basizwa  ngeyodwa  ehlala  eGoli.

Iqembu  selijube  ikomiti  elibhekela   wonke  lomsebenzi  eliholwa  AmaZulu FC  anophiko  olubizwa ngokuthi  AmaZulu  Community  Development  Trust .

OLUNYE UDABA:Kwembulwa kwembeswa kodutshulwe izigebengu kwaDabeka

Okhulumela  abalandeli bale liqembu uMnuz Mike Nxasane  utshele  leli phephandaba ukuthi kuyathusa ukubona umuntu obehlonishwa  kanje futhi obebamba iqhaza kwibhola lakuleli ephenduka into yalutho kanje..

Uphinde  waveza   nokuthi  abaphathi beqembu  basezinhlelweni  zokuhlonipha  iqhaza  elabanjwa uSugar Ray lokho  bazokwenza  ngokwakha  isikhwama  esizomlekele  esimweni  sempilo  yakhe.

“Siyajabula  uma sibona  umnyakazo  njengoba iqembu  lamaZulu  esengenelela  noMkhandlu  weTheku .  NgoJanuwari  27 kuzokwethulwa  iSugar  Ray Xulu Legacy Programme  emcimbini  ozokuba  se-Inkosi   Albert  Luthuli  International  Convention Centre  eThekwini  ngo 9 ekuseni.Kuthi ngo 26 kuFebhuwari kuzoba  nomdlalo phakathi  kwe Real Kings  naMaZulu ,  inhloso  yawo okungukuphila  imali  yesikhwama”, kubeka  uNxasane.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.