Sekuboshwe omunye futhi 'kwelokudla izicubu zomuntu'

2017-09-28 12:29

Johannesburg - Sekuboshwe omunye umsolwa okukholakala ukuthi uneminyaka ebalelwa kweko-30 ubudala endaweni yaseNtabamhlophe namuhla ekuseni ngezinsolo zokubandakanyeka esigamekweni sokudla abantu.

Kudlindeleke ukuba avele eNkantolo yeMantshi yase-Escourt namuhla.

Ngenyanga ka-Agasti nonyaka, isangoma, 32, safika esiteshini samaphoyisa siyobika ukuthi sinezicubu zomuntu. Lesi sangoma saholela amaphoyisa emzini ose-Escourt lapho okwatholakala khona ezinye izicubu zomuntu. Kwavulwa amacala okubalwa kuwo elokubulala, ukutholakala nezicubu zomuntu, umsolwa wabe eseboshwa.

Kwenziwa uphenyo, kwanxusa amalungu omphakathi adukelwa yizihlobo ukuba axhumane namaphoyisa.

OLUNYE UDABA:Bazogqunywa esitokisini ababhekene 'nelokudla izicubu zomuntu'

Kwenziwa ulibofuzo emndenini oweza ngaphambili, imiphumela iphume kuleli sonto. Kwaqinisekiswa ukuthi izicubu ngezikaZanele Hlatshwayo, 25.

Kube sekuboshwa abanye abasolwa abahlanu abaneminyaka ephakathi kwengu-29 nengu-32 ubudala.

Abasolwa bagcinwe esitokisini kanti bayavela namuhla (ngoLwesine) eNkantolo yeMantshi yase-Escourt.

Ngokwesitatimende samaphoyisa, uKhomishana wamaPhoyisa aKwaZulu-Natal, uMajor General Bheki Langa, ukwamukele ukuboshwa kwabasolwa.

"Lobu bugebengu abamukelekile emphakathini wethu kanti abantu abafana nalaba bafanelwe ukubhadla ejele isikhathi eside. Sizoqinisekisa ukuthi izigilamkhuba zizothola isigwebo esiqinile ngesenzo sazo esibi," usho njalo.



NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.