Sekuqinisekisiwe ukuboshwa komunye umsolwa kwelokubulawa kwamaphoyisa

2018-02-28 12:30

eNgcobo – OKlebe sebekuqinisekisile ukuthi kuboshwe umsolwa wesithupha mayelana nokubulawa kwamaphoyisa amahlanu kanye nalowo owayeyisosha eNgcobo, e-Eastern Cape.

Owesilisa uboshwe ngoLwesibili ebusuku esontweni iSeven Angels Ministry, kusho okhulumela oKlebe e-Eastern Cape uCaptain Anelisa Feni etshela iNews24.

"Utholakale nesibhamu esingekho emthethweni. Bekungesinye sezibhamu ezebiwa esiteshini samaphoyisa lapho amaphoyisa abulawelwa khona,” kusho uFeni.

Lo wesilisa kulindeleke avele enkantolo ngoLwesine.

OLUNYE UDABA: Amaphoyisa anikezwa amathuluzi okuzivikela - Cele

Ukuboshwa kwakhe kulandela isigameko lapho izigebengu zagasela khona esiteshini samaphoyisa eNgcobo, phakathi kwaseMthatha naseQueenstown, ngoFebhuwari 21, zadubula zabulala amaphoyisa amahlanu kanye nesosha eselathatha umhlalaphansi.

Ngempelasonto amaphoyisa agasela emagcekeni esonto iSeven Angels Ministry, kwadutshulwa kwabulawa abasolwa abayisikhombisa

Kwahlengwa amantombazane amancane kanye nabesifazane kuleli bandla okuthiwa lenza izinto ezingajwayelekile.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.