Sekuvele ukuthi ubephinga umculi ohlukanisa nomkakhe

2017-10-23 11:01

Johannesburg - Sekuyindaba eyaziwayo ukuthi isihlabani somculo wekwaito, esaduma eqenjini le-TKZee, uZwai Bala, siyehlukanisa nomkaso uMelanie.

Kodwa lezi zithandani kazishongo ukuthi kungani zehlukanisa ngesikhathi zikhipha isitatimende zimemezela ngokuphela komshado wazo.

Manje sekuqubuke amahlebezi athi uMelanie wathola ukuthi uZwai uyaphinga.

Imithombo esondelene nalezi zithandani ithi ngokombiko weSunday Sun, uMelanie wephuke inhliziyo ethola ukuthi umyeni wakhe uyaphinga.

Ngokwemibiko, laba namanje basahlala endlini eyodwa – ngoba benzela izingane zabo.

Umthombo weSunday Sun uthi okokuqala ngesikhathi uZwai ebanjwa ukuthi uyaphinga kwakushubile, kodwa abangani babancenga ukuba balungise izinto.

OLUNYE UDABA: UMinnie Jones uqophe umlando ngohlelo lwakhe

Kuthiwa uZwai waphinde wabanjwa okwesibili, uMelanie esanda kubeletha.

“Angazi ukuthi uZwai uzophila kanjani ngaphandle kukaMelanie ngoba umndeni wakhe ubewenzela konke,” kusho umthombo.

Omunye umthombo kubikwa ukuthi uthe izinto zazihamba kahle phakathi kwalezi zithandani ngesikhathi uZwai engawutholi umsebenzi, kanti uMelanie nguyena owayondla umndeni wakhe.

Lo mthombo kuthiwa uthi uMelanie umbambe okwesithathu uZwai ukuthi uyaphinga ngesikhathi ebuka umakhalekhukhwini wakhe.

Kuthiwa uZwai walile ukuphawula ngesikhathi ethintwa ngalolu daba. UMelanie naye kubikwa ukuthi uthe akukho angakusho.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.