Selinomqeqeshi omusha iqembu lePSL

2017-08-24 14:03

Cape Town - IFree State Stars isikuqinisekisile ukuqokwa kukaLuc Eymael njengomqeqeshi omusha ozovala isikhala sikaSammy Troughton oseshiya.

 “IFree State Stars Football Club isiqinisekisa ukuqokwa kukaMnumzane Luc Eymael njengomqeqeshi omkhulu omusha weqembu.

Umqeqeshi kanye nekilabhu bangene kwinkontileka yeminyaka emibili futhi sithemba futhi sikholwa ukuthi ngesipiliyoni sakhe, intshisekelo kanye nokuziphatha emsebenzini ungumuntu ofanele ukubuyisela iFree State Stars ezindleleni zokuwina,” leli qembu libhale kanjalo esitatimendeni.

OLUNYE UDABA: Useyekile ukuziqeqesha neChiefs umgadli obezohlolwa

Kodwa-ke le kilabhu ithi idumele kakhulu ngokuthi kuze kwadingeka ukuthi inqamule inkontileka yayo nomqeqeshi, uSammy Troughton, njengoba bekunomuzwa wokuthi laba angeke baze bakwazi ukusebenza ndawonye ngenxa yokuba nezinkolelo ezingafani ngebhola, “njengoba isisho sisho: ‘izinkunzi ezimbili azihlali esibayeni esisodwa’ futhi inkolelo yalaba baqeqeshi bobabili ukuthi bobabili bangabaqeqeshi abakhulu futhi ngenxa yalokhu bekuzoba nzima kumqeqeshi uSammy ukusebenza noLuc njengesekela”.

Leli qembu libe selibonga uSammy ngomsebenzi awenzile kanye neqhaza lakhe ekusizeni iqembu lilungiselela isizini ka-2017l18, labe selimfisela okuhle kulokho azokwenza ngomuso.

UTroughton uyena obeqeqesha iFree State Stars ngoLwesithathu ebusuku ngesikhathi ibambana nompetha beligi, iBidvest Wits, ngo-2-2 yize noma ezakhe zadlala zingasephelele, seziyishumi enkundleni.

Emdlalweni wokuqala ka-Eymael iStars sizotholana phezulu neMamelodi Sundowns, eGoble Park, ngomhlaka-13 Septhemba.

Lo mdlalo uzoqala ngo-19:30 kusihlwa. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.