“Sibhekene nesikhathi esinzima: owePirates

2017-02-10 16:00

Cape Town – Isitobha se-Orlando Pirates, uHappy Jele, ukholwa ukuthi sizogcina sifikile isikhathi sokuthi amaBhakabhaka aqale ukuwina kulandela uxhaxha lwemiphumela engemihle.

Ukuhluleka ukuwina kwamaBhakabhaka kuqhubekile ngesikhathi ebambana ngeqanda nhlangothi zombili ebhekene nePlatinum Stars ngoLwesithathu. Lokhu kwenze yaze yaba yisithupha imidlalo lezi zinkunzi zaseSoweto zingayazi iwini kuyo yonke imiqhudelwano.

“Njengamanje sibhekene nesikhathi esinzima, kodwa ngikholwa ukuthi maduze sizobuyela esimweni esingcono,” uJele utshele iVodacom Soccer.

OLUNYE UDABA: UBenni uyazithemba ngokuqeqesha iPirates

Uthi emdlalweni nePlatinum Stars abazange bakhe amathuba amagoli kodwa bakwazile ukuthola iphuzu.

“Besilokhu sisebenza kanzima ukulungisa amaphutha ethu asemuva kanjalo nokuqedela kwethu (emapalini) selokhu siqhubeke nokuziqeqesha ngemuva kwekhefu lamaphakathi nesizini.

“Ukudlala imidlalo engu-6 ngaphandle kokuwina sekube yinkathazo eqenjini elisezingeni lePirates, kodwa ngiyathemba ukuthi sekusele isikhathi nje sibuyele ezindleleni zethu zokuwina.”

Emdlalweni olandelayo, iPirates izotholana phezulu neMamelodi Sundowns eLoftus Versfeld Stadium, ePitoli ngeSonto.

UJele uthi bawubheke ngabomvu lo mdlalo weSundowns futhi “akukho ukungabaza [ukuthi] kuzoba umdlalo onzima lapho amaqembu womabili elwela ukunqoba okudingeka kakhulu”.

Uphethe ngokuthi bayakudinga ukunqoba umdlalo ukuze bakwazi ukubuyelwa umdlandla. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.