Siyamthanda uMugabe, yingakho sithi akaphumule - EFF

2017-01-26 13:02

Cape Town – Iqembu le-Economic Freedom Fighters (EFF) ngoLwesithathu liqhubekile nokuhlasela ngamazwi iqembu elibusayo eZimbabwe iZanu-PF, njengoba lithe ayihambisani nendaba ‘yokubusa uze ufe’, okuyinto okubukeka sengathi uMengameli Robert Mugabe uzimisele ngokuyenza.

I-EFF igxeke uhulumeni waseZimbabwe oholwa yiZanu-PF ngokuvikela ubuholibukaMugabe, nakuba kubonakala ukuthi useyehluleka ukwenza kahle umsebenzi ngenxa yeminyaka yakhe.

Lokhu kungemuva kokuba uhulumeni waseZimbabwe ezwakalise ukudinwa ngemuva kokuba umholi we-EFF uJulius Malema ethe uMugabe, 92, kumele ehle esikhundleni.

OLUNYE UDABA: Usuphinde wagadla kuMalema uhulumeni kaMugabe

UMalema uthe izikhulu zeZanu-PF zingamagwala ngokwehluleka ukutshela uMugabe ukuba ehle esikhundleni.

Okhulumela i-EFF uMbuyiseni Ndlozi uthe iqembu lakhe limile kwelikushilo ngobuholi bukaMugabe.

"UMengameli Mugabe simthanda ngaphezu kwawo onke amagwala eZanu-PF asondelene naye ngoba simtshela iqiniso. I-EFF iyona kuphela emkhathalele ‘umadala’, yingakho sifuna ukuba aphumule, anikeze abanye izintambo.” 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.