U-Eskom usumise ngokusemthethweni isikhulu sawo

2017-09-29 16:01

Cape Town - Inkampani ephehla iphinde iphakele leli ngogesi, u-Eskom, isimise ngokusemthethweni u-Anoj Singh oyiChief financial officer, njengoba kulindeleke ukuthi aqondiswe izigwegwe, kusho lesi sikhondlakhondla ngoLwesihlanu.

USingh wanikezwa ikhefu eliyisipesheli ngoJulayi, lokhu kwenziwa amalungu ebhodi lakwa-Eskom kuze kube kuphothulwa uphenyo mayelana nokuziphatha kwakhe.

Ukumiswa kwakhe kuza ngemuva kokuqonga kwezinsolo ezithi uyathinteka ekukhishelweni kwamathenda ngokungemthetho izinkampani eziyamaniswa nabakwaGupta, waphinde wathola izipho ezivela kulo mndeni osematheni kulezi zinsuku.

IFin24 ike yabika ngaphambilini ukuthi uSingh ufakwe kuleli khefu eliyisipesheli nguNgqongqoshe wezeziMali uMalusi Gigaba nowezamaBhizinisi kaHulumeni uLynne Brown kulandela ukusabisa kweDevelopment Bank of SA (DBSA) ngokuthi izowuhoxisa u-R15bn eyawuboleka le nkampani uma uSingh engathathelwa izinyathelo.

OLUNYE UDABA: U-Eskom usuqoke ozobamba njenge-CEO

Esitatimendeni, u-Eskom uphinde waveza ukuthi ukuqondiswa izigwegwe kwesinye isikhulu, uMatshele Koko, kuzoqala kula masonto amabili ezayo.

“Bobabili uSingh noKoko bazolithola ithuba lokuqondiswa izigwegwe elingenakwenzelela," kufundeka isitatimende.

UKoko wamiswa ngoJulayi kulandela ukuvela kokuthi kunamathenda anikezwa inkampani i-Impulse International – ekubeni indodakazi yakhe yayingumqondisi kule nkampani.

UKoko, owaba yibamba lalowo owayeyisikhulu esiphezulu uBrian Molefe, waqale wanikezwa ikhefu eliyisipesheli kulandela ukuvela kwezinsolo ngokuziphatha kwakhe.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.