U-e.tv usuphushele iClub 808 ezinhlelweni ‘zetakalani’ ngenxa yeDays

2017-08-25 09:34

Cape Town – Isiteshi sikamabonakude sakuleli, u-e.tv, usuvele wanquma ukuphushela uhlelo lwawo lwezomculo kanye nokujabulisa olubhekiswe kakhulu entsheni esikhulile, iClub 808,  esikhathini okudlala ngaso kakhulu izinhlelo zentsha, ngo-16:40, kusukela ngoLwesihlanu, mhlaka-8 Septhemba.

IClub 808 kudingeke ukuthi idedele umdlalo kamabonakude oluchungechunge nongaconsi phansi kwabaningi, iDays of Our Lives nowahlwitha u.e.tv kuSABC, njengoba idlala ku-SABC3.

OLUNYE UDABA: U-e.tv usuhlwithe i-soapie yodumo ku-SABC

Njengoba iDays of Our Lives izodlala phakathi nesonto ngo-17:30 kuya ku-18:30, iClub 808 kudingeke ukuba isuswe esikhathi ebijwayele ukudlala ngaso, u-18:00, ku-e.tv ngoLwezihlanu. Esikhudleni sokuthi lesi siteshi sifake iClub 808 esikhathini sakusihlwa noma ngempelasonto, lapho eyake yadlala khona ngaphambilini, u-e.tv uvele wakhetha ukufaka lolu hlelo ngesikhathi esingaphambili nalapho luzobe luncintisana khona nezinhlelo ezifana neDaily Thetha ku-SABC1, iHectic Nine-9  ku-SABC2 kanye ne-Afternoon Express ku-SABC3.

Lolu hlelo seluke lwashintshwa kaningi ngaphambili izikhathi eludlala ngazo kanye nezinsuku, kanjalo nokushintshashintsha kwabethuli bohlelo.

NgoJuni, uBontle Modiselle waba ngumethuli wohlelo wakamuva ukuthi ajoyine iClub 808 nayethula ngokubambisana noLawrence Maleka nokuwuhlelo oseluzobukwa intsha esencane ebijwayele ukubuka iCraz-e kanye neShiz Live.

Bekungakabi nasimemezelo ngokuquko ngesikhathi esisha sokungena kohlelo esivela ku-e.tv.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.