U-iFani uthi “udoti” ingoma kaCassper entsha

2017-03-23 09:30

Johannesburg – Umrepha wakuleli, u-iFani, useshiye angalazi egxeka ingoma entsha yomculi weHip hop, ongaconsi phansi kuleli, uCassper Nyovest, nesihloko sithi Tito Mboweni.

U-iFani usebenzise inkundla yezokuxhumana, iTwitter, ukuzwakalisa ukungayithakaseli neze le ngoma kaCassper, wanxusa lo mculi ukuthi angalinge aze “amoshe imali” ngokwenza i-music video yale ngoma.

OLUNYE UDABA: Umakadebona womsakazi ulaxaze iMetro FM wajoyina isiteshi esisha

“Ngiyacela ungayimoshi imali kuleyo ngoma nkosi yami. Kwenye elandelayo…,” u-iFani ubhale kanjalo kuTwitter.

Komunye umbhalo, lo mrepha utshele abalandeli bakhe ukuthi yize noma engumlandeli wokuqina kaCassper kodwa ucabanga ukuthi ingoma yakhe “udoti”. Ubhale wathi: “Ngingumlandeli omkhulu kaCassper Nyovest kodwa i-#Tito Mboweni ingudoti futhi kumele ilahlwe emgqonyeni. Cassper Nyovest ngiyacela ungayishuthi i-video yayo.”

Uqhube wathi yena ngesikhathi ingoma yakhe idayisa ize ifika esigabeni segolide ngosuku lokuqala uCassper Nyovest waba ngumuntu wokuqala ukumtshela ukuthi ushaye udaka. Kodwa noma kunjalo waqhubeka nokweseka umculo kaCassper, wathi futhi namanje usaweseka.

Zibonele eminye yemibhalo ka-iFani eshiya angalazi ngale ngoma entsha kaCassper:

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.