UBarack Obama uzokwethula isifundo esingoNelson Mandela

2018-04-23 16:00

Lowo owabe engumengameli waseMelika uBarack Obama uzokwethula isifundo sikaNelson Mandela esenzeka minyaka yonke, eGoli, ngoJulayi, kumemezela iNelson Mandela Foundation ne-Obama Foundation ngoMsombuluko.

"Ingxenye enkulu yempilo yakhe, uNelson Mandela wayichitha elwela inkululeko nokulingana. Ihlandla lakhe lokuba ngumengameli laligqame ngemizamo yokuqinisa intando yeningi eyayiseyintsha ngaleso sikhathi," kusho lezi zinhlangano esitatimendeni ezisikhiphe ngokuhlanganyela.

Isiqubulo salesi sifundo sizobe sithi "Renewing the Mandela Legacy and Promoting Active Citizenship in a Changing World".

Lezi zinhlangano zithi lesi sifundo sizokwenzeka ngomhlaka-17 Julayi 2018 - okuwusuku olwandulela iNelson Mandela International Day - e-Ellis Park Arena, eGoli.

OLUNYE UDABA: Ngifunde lukhulu kuMandela - Obama

Babalelwa ku-4 000 abantu okulindeleke ukuthi bayothamela lesi sifundo.

Lesi sifundo sizoba yingxenye yokuhlonipha iminyaka eyikhulu yokuzalwa kukaMadiba.

"INelson Mandela Annual Lecture izogxila kakhulu ekwakheni ukubuyisana nokusebenzisana kanjalo nokulwisana nengcindezelo nokungalingani," kusho isitatimende.

Abanye abantu abake baba yizikhulumi eziqavile kulesi sifundo kubalwa uBill Clinton, Thabo Mbeki, Ellen Johnson Sirleaf, Mary Robinson noMichelle Bachelet.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.