UBheki Cele uvikele abe-ANC abavotele ‘ukuketula’ uZuma

2017-08-15 11:04

Johannesburg – Ilungu leNational Executive Committee ye-ANC, uBheki Cele, usevikele amaLungu ePhalamende e-ANC avote ngokubambisana namaqembu aphikisayo esiphakamisweni sangesonto eledlule sokungamethembi uMengameli Jacob Zuma.

Ekhuluma namagatsha e-ANC eMlazi Community Hall, uCele uthe sekuvele kunezinkulumo zokumoshwa kwezinsiza zikahulumeni ukuze zisetshenziselwe uhlelo lokuhlola ukuqamba amanga (lie detector test) ngenhloso yokuthola ukuthi yimaphi amaLungu ePhalamende e-ANC angalandelanga umyalelo weqembu, ase avota namaqembu aphikisayo.

OLUNYE UDABA: Ningayeki ukufaka i-ANC enkantolo ize ifunde ukuhola – Bheki Cele

“Akekho obuzayo ukuthi yini kanye le eholele ekutheni labo bantu bathathe leso sinqumo. Kungani ungabuzi ukuthi lento iqale kuphi? Labo bantu abavote namaqembu aphikisayo abahlanyi. Bangamalungu e-ANC azimisele futhi bangamalungu eNEC.”

UMengameli Jacob Zuma, uMgcinimafa Jikelele we-ANC uZweli Mkhize, ilungu le-NEC uLindiwe Zulu kanye ne-ANC eKZN bonke sebenxuse ukuthi kuthathelwe izinyathelo zokuqondiswa izigwegwe amaLungu ePhalamende avote ngokubambisana namaqembu aphikisayo – yize noma kungacaci ukuthi bangakanani ngempela.

UCele uthi lama Lungu ePhalamende ‘ayizephulamthetho’ kumele kuxoxiswane nawo ukuze kutholakale ukuthi yini eholele ekutheni avotele ukuphikisana nesiphakamiso sokungamethembi uZuma okunokuthi kuxhanyazelwe ngokuwajezisa. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.