‘UBobby Motaung ugcwele indelelo’

2016-07-29 20:30

Johannesburg – USihlalo weChippa United, uSiviwe “Chippa” Mpengesi usekhulume washiya angalazi ngemenenja yeKaizer Chiefs uBobby Motaung.

La maqembu womabili akha ubudlelwano kule minyaka eyedlule, kepha manje kubonakala sengathi azogqashuka amaxhama okusebenzisana kulandela ukubonakala komdlali weChippa, uJoseph Molangoane ezilolonga eNaturena.

Ngokusho kukaMotaung, lo mdlali, 28, akanalo iqembu.

Kepha uMpengesi uthi lo mdlali usanenkontileka nabo, wathi uma lolu daba lungaxazululeki uzoluyisa e-Arbitration Court.

OLUNYE UDABA: Asikaqedi ukuthenga abadlali – Bobby

“Ngijabhile ngendlela uBobby alusingathe ngayo lolu daba. Akamazi omunye umuntu futhi uyedelela enjalo nje.

“UMolangoane wasitshela ngaphambi kokuphela kwesizini ukuthi iChiefs imenzele isiphakamiso. Kwamcasula lokho umqeqeshi wase ekhetha ukumxosha, engafuni bakhulume ngale ndaba,” esho.

Uthi sekukaningi uMotaung ekhuluma inkulumo enokwedelela, njengoba wake wakhuluma ebhekise kuSihlalo weBloemfontein Celtic, wathi “ungumafikizolo” ebholeni.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.