Uboshiwe umfundisi ngamacala okunukubeza ngokocansi

2018-03-17 11:35

Cape Town – Umfundisi wentsha eRondebosch uzohlala amasonto amabili ezitokisini ngemuva kokuboshwa kwakhe okwesibili ezinyangeni eziyisithupha.

Kulokhu, lo mfundisi uboshwelwe amacala okwephula umthetho wezokuxhumana owaziwa nge-Electronic Communications and Transactions Act.

Lo mfundisi oneminyaka engu-27 ubudala uvele phambi kweMantshi yaseBellville ngoLwesihlanu ngemuva kokuboshwa ngoLwesithathu, kusho uLieutenant Colonel André Traut.

OLUNYE UDABA:Uphilisa okwenyamazane umfundisi osolwa ngokuthakatha

Okwamanje igama lakhe ngeke lidalulwe ngoba ubengakalivumi icala.

Icala lakhe lihlehliselwe umhlaka 27 Mashi lapho ezofaka khona isicelo sebheyili.

Umsolwa waboshwa okokuqala ngo-Septhemba 2017 ngokusebenzisa izithombe zabesimame ezingamukelekile kahle enkundleni uWhatsApp no-Instagram ukuheha abafana abangu-40 abasebancane ukuze bazomthumela izithombe zabo benqunu.

Kuthiwa ubesabisa ngokusabalalisa izithombe zabo ezinkundleni zokuxhumana uma beke bazama ukuqeda lobu budlelwane bokuthumelana izithombe.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.