Uboshiwe unesi ovume elokuthi wadlwengula, wakhulelisa isiguli

2017-08-02 07:01

Kampala – Umsizi kanesi wase-Uganda usolwa ngokugxisha izidakamizwa isiguli ngaphambi kokusidlwengula sase siyakhulelwa, kusho umbiko.

Ngokusho kombiko weDaily Monitor, uSamuel Tumukuratire, 29, ulivumile icala lokudlwengula isiguli sakhe esibhedlela iNajeera, enyakatho neKampala, esebenzisa izidakamizwa.

Lo nesi uyasoleka kwezinye izigameko eziningi ezifuze lesi.

Kuthiwa wayephoqa iziguli kuqala ukuba zihlolele isandulela ngculazi ngaphambi kokuzidaka imizwa bese eyazidlwengula.

Esigamekweni sokudlwengulwa kowesifazane okunguyena owamvulela icala kuze kube uyaboshwa, kuthiwa lo wesifazane waqala ukusola ukuthi kungenzeka ukuthi udlwenguliwe ngemuva kwezinyanga ezintathu ekade elaliswe esibhedlela.

OLUNYE UDABA: Unesi utholakale 'ezitika ngesiguli'

Kuthiwa washaqeka esethola ukuthi ukhulelwe ekubeni umyeni wakhe usebenza phesheya kwezilwandle futhi ubengakaze azibandakanye ocansini esikhathini esingangonyaka.

UTumukuratire kuthiwa waphekwa amaphoyisa ngemibuzo wagcina evumile ukuthi wajova lo wesifazane ngomjovo wokulala wase eyamdlwengula.

Ubengakasho ukuthi uyawavuma noma uyawaphika yini lawa amanye amacala asolwa ngawo, kanti kulindeleke ukuba alalelwe enkantolo ngomhlaka-18 Agasti.

 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.