Ubuholi be-ANC bonke buyobhonga emswaneni kwaMadikizela-Mandela

2018-04-04 17:59

eGoli - Wonke amalungu e-NEC angu-80 azohambela ekhaya likaMadikizela-Mandela eyobhonga emswaneni ngoLwesine, kusho iPhini likaMengameli wezwe uDavid Mabuza.

UMabuza ubeyingxenye yezicukuthwane ezihambele ekhaya lale nqalabutho e-Orlando eSoweto ngoLwesithathu.

Njengabanye abaningi, uMabuza uncome amagalelo amahle kakhulu ale ndlovukazi ngezikhathi zobandlululo.

OLUNYE UDABA: 'UMadikizela-Mandela ubengumakoti wangempela'

UMabuza uthe amalungiselelo omngcwabo ahamba kahle kakhulu.

Umndeni wengqalabutho yomzabalazo esanda kukhothama uNkz Winnie Madikizela Mandela oseMbizana e-Eastern Cape esigodini saseMbhongweni lapho azalelwa khona usukubeke kwacaca ukuthi kabayizwa kahle eyesinqumo sokumngcwabela eGoli.

Lokhu kudalulwe umzala kaMama uWinnie, uMnu Prince Madikizela okhulumela umndeni waseMbizana ukukhi bazizwa bexhoshwa libhekile ngesinqumo sokuthi umzala wakhe ayongcwatshelwa eGoli kungakhulunywanga nabo kuqala.

“Thina sizwe nje ngezindaba ukuthi umndeni wakhe oseGoli usuhlangene noMengameli uCyril Ramaphosa kwathathwa lesi sinqumo kodwa ke sesithumele umuntu wethu ukuthi ayosizwela ukuthi kwenzakaleni” kusho uMnu Madikizela.

Ukugcizelele ukuthi umndeni kawuxabani ngalesi sinqumo kodwa ingcindeni ivela emphakathini, osopolitiki, nasemamakhosini abahlaba imibuzo usuku nosuku ukuthi kungani abaholi abadabuka ezindaweni zabo begcina sebengcwatshelwa kwezinye izindawo kungaxhunyanwanga nabo.

“Phela uWinnie ubese umholi wezwe ubengasiyena owethu kepha ubese umuntu wabantu okusho ukuthi bafanele ukuba nemibuzo ngaye . UWinnie akafunwa yithina la, ufunwa AmaMpondo akubo” kudalula uMnu Madikizela.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.