Ubuholi besifundazwe e-KZN buzohambela umndeni okubulawe kuwo abangu-8

2017-10-04 16:01

Durban - Lowo okhulumela i-African National Congress KwaZulu-Natal, uMdumiseni Ntuli, uthe ubuholi besifundazwe bumangele buvuka ngesigameko sokubulawa kwamalungu angu-8 omndeni owodwa eMatimatolo.

"Ngokwejwayelekile uma kuqothwa umndeni kanje, indaba isuke ingaphakathi emndenini," esho.

UNtuli uthe ubuholi buzohambela lo muzi ngemizamo yokuthola ukuthi yini eholele kulesi sigameko esenzeke emzini wakwaSibiya eMbangweni, eMatimatolo, ngoLwesibili ebusuku.

Kubulawe amalungu omndeni owodwa angu-8 esifazane, ngokusho kombiko wamaphoyisa esifundazweni.

OLUNYE UDABA: Sinyukile isibalo somndeni obulewe e-KZN

Imibiko yokuqala ithe kubulawe abesifazane abayisikhombisa, nokho okhulumela amaphoyisa uCaptain Nqobile Gwala, uthe umuntu ka-8 ushonele esibhedlela ngoLwesithathu.

UGwala uthe okwamanje ayikacaci imbangela yalesi sigameko kanti amaphoyisa ayaphenya ukuthi ngabe ukubulawa kwalo mndeni kuhlobene nezombusazwe noma umbango womndeni, noma cha.

UGwala uthe amalungu omphakathi yiwo ezwe kuqhuma isibhamu ngabo-21:00 ngoLwesibili, athi uma eyobheka athola umuzi usha.

Abantu abahlanu, okubalwa owesifazane oneminyaka engu-60 ubudala nezingane ezine eziphakathi kweminyaka emibili nengu-16 ubudala, zishonele endlini eyodwa.

Kwenye kushone owesifazane, 58, ngemuva kokudutshulwa.

Ezinye izingane ezimbili zishonele esibhedlela.



NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.