Ubuholi bukaKhongolose eKZN bucabanga ukudlulisa isinqumo senkantolo

2017-09-12 12:34

Pietermaritzburg – Isigungu esiphezulu ku-ANC esifundazweni iKwaZulu-Natal sicabanga ukudlulisa isinqumo seNkantolo eNkulu yaseMgungundlovu esithi imiphumela yenkomfa yango-2015 ibingekho emthethweni.

Leli qembu lingahle libabele eNkantolo yokuDluliswa kwamaCala.

NgoLwesibili ekuseni, iNkantolo eNkulu eMgungundlovu iveze ukuthi imiphumela yenkomfa yango-2015 ayikho emthethweni.

Ngemuva kokuvela kwalesi sinqumo, okhulumela i-ANC kulesi sifundazwe, uMdumiseni Ntuli, uthe abantu kumele bamukele ukuthi yize inkantolo eyodwa ithathe isinqumo esithile, kungenzeka enye ithathe esihlukile.

UNtuli uthi bahanjiswe enkantolo yilabo abebenezikhalazo futhi bengajabule ngemiphumela yenkomfa ngoba becabanga ukuthi inkantolo iyona ndawo elungele ukuxazulula izikhalazo zabo.

OLUNYE UDABA:Inkantolo isichithe 'imiphumela' yengqungquthela yokhetho lwe-ANC eKZN

"Ngokufanayo, kumele banikeze ubuholi bukaKhongolose isikhathi sokuyicubungula le ndaba, ngokulandela imigomo yezepolitiki kanye nemigomo yesinqumo sale nkantolo. Umthetho yiwona ozosilawula ukuthi siludlulisele eSupreme Court of Appeal lolu daba," kusho yena.

UZizi Kodwa, okhulumela uKhongolose kuzwelonke, utshele abeNews24 ukuthi bayamukele imiphumela yenkantolo futhi basazoyihlaziya kahle bese bekhipha isinqumo ngomthelela waso ngokwepolitiki.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.