Ubulawe eKranskop osolwa ngokubulala iphoyisa eGoli

2017-10-25 11:00

Greytown - Owesilisa obefunelwa icala lokubulala iphoyisa eGoli udutshulwe washona ngesikhathi kunempi yezulu lezandla phakathi kwakhe namaphoyisa aseKranskop, endaweni yaseMambulu.

Ilungu lesibili lalaba abasolwa ngokuba yizigelekeqe nalo lidutshuliwe kwase kutholakala nezibhamu.

Sekunohide lwezigameko zobugebengu ebezenzeka eKranskop kanye naseMambulu kamuva, kepha izigelekeqe bezingabanjwa, kubika iGreytown Gazette.

Kuthiwa la basolwa abanukwa nje kuphela ngezigameko zokugetshengwa kwamabhizinisi kuleya ndawo, kepha basolwa nangokuhlasela uthisha, bamshaya kanzima base bemphuca u-R17 000, okwakuyimali eyayiqoqiwe njengoba abafundi kwakumele bahambe nesikole.

OLUNYE UDABA: Uzobolela ejele owabulala iphoyisa

NgeSonto ntambama amaphoyisa aseKranskop alunywe indlebe ase anikela endaweni yaseMambulu afike azithela phezu kwabasolwa begibele esikhenkeni seveni.

Ababili kubona babe sebegxumela phansi baqala badubula bebhekise emaphoyiseni, nawo aphindisela ngenhlamvu abalahla othulini. Kube sekuboshwa abanye abasolwa abayishumi.

Kuphinde kwatholakala isibhamu sephoyisa elabulawa eGoli kanye nesinye sohlobo lwe-R5. Kutholakale nomakhalekhukhwini abebiwa kuphangwa isitolo sakwaPep.

Abasolwa kulindeleke ukuba bavele eNkadntolo yeMantshi yaseKranskop kuleli sonto.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.