Ubuyela enkantolo osolwa ngokubulala iphoyisa

2017-10-10 11:00

Johannesburg - Indoda ogama layo nguThabang Maleka ilindeleke ukuba ivele eNkantolo yeMantshi yaseBrits namuhla (ngoLwesibili), ngokubandakanyeka esigamekweni sokubulawa kwephoyisa laseNorth West, uConstable Samuel Hlongwane.

Ngomhlaka-2 Okthoba, kwaboshwa indoda eneminyaka engu-24 ubudala, eTemba, eGauteng ngoMsombuluko, ngemuva kokubalekela icala izinyanga ezine.

Okhulumela amaphoyisa aseNorth West uWarrant Officer uMpeile Talane uthe uHlongwane, 35, wayengasebenzi ngesikhathi edutshulwa ebulawa, umngani wakhe wabanjwa inkunzi ephucwa imoto eLetlhabile eduzane naseBrits ngomhlaka-2 Juni.

OLUNYE UDABA:Izigebengu zidubule iphoyisa lalimala kuphangwa

Wayehamba emgwaqeni eLetlhabile ngesikhathi emiswa wumngani wakhe owayehamba ngemoto yohlobo lwe-BMW.

Babesaxoxa ngesikhathi kuqhamuka amadoda amabili angaziwa abakhomba ngezibhamu.

UHlongwane wadutshulwa kodwa wakwazi ukuziphindiselela wadubula indoda eyodwa kulawa.

Umsolwa wesithathu waqhamuka ehamba ngemoto wathatha indoda elimele wayoyishiya emtholampilo waseLetlhabile. Le enye indoda yabaleka ngemoto kamngani kaHlongwane.

UHlongweane wahlonzwa njengoshonile khona endaweni yesigameko.

Osomatekisi namanye amalungu omphakathi alandela imoto eyayiya emtholampilo lapho okusolwa ukuthi yilapho abashaya khona umsolwa owayelimele waze washona.

Amaphoyisa akwazi ukuthola imoto yohlobo lwe-BMW kanjalo nemoto yabasolwa ngomhlaka-3 Juni, eSoshanguve, enyakatho yePitoli.

USuprise Mokoebo, 33, waba ngowokuqala ukuboshelwa ukubandakanyeka kwelokubulawa kwaHlongwane, ubhekene necala lokubulala nokuduna. Waboshwa ngomhlaka-4 Agasti eMabopane enyakatho yePitoli.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.