UChomee uselaxaze u-Arthur ngoba esethole isipawupete esisha

2017-09-26 18:00

eGoli - Njengoba izinto beseziqala ukuhamba kahle, uChomee usemlaxaze okwangempela u-Arthur “King of Kwaito” Mafokate. 

Ngesikhathi ebuzwa ukuthi uzoyishiya inkampani kaMafokate, i-999 Music, uChomee ogama lakhe langemoela nguThulisile Madihlaba uthe: "Sekumele ngifunde ukwenza izinto ngendlela yami.

"Kuningi esengikufundile kwezikaqedisizungu, ikakhulukazi ngoba ngangena kule mboni ngiseyingane. Angifuni ukusho okuningi okwamanje, kodwa konke kuzobonakala maduze."

Imithombo yangaphakathi ithi le ntokazi ibekezelele izinto eziningi kanti futhi izinqumo zayo eziningi zilandela lezi zigigaba zakamuva nentokazi eyayisebenza nabo uBusisiwe "Cici" Twala.

UCici uyena owagudluza uChomee ngesikhathi eqala ukuthandana noMafokate, kanti okuningi kuvela njengoba kuqhubeka icala elithinta lezi zithandani enkantolo.

OLUNYE UDABA:UCici wangishaya nge-hanger - Arthur Mafokate

Kukho konke lokhu uChomee wanika u-Arthur ithuba lesibili, kodwa umthombo wesibili uthi le ntokazi ithi ngeke ikwazi ukubekezelela enye intombi entsha ezomgudluza njengoba agudluzwa wuCici.

Lokhu kulandela imibiko yokuthi uMafokate usesayine intokazi entsha eyayisohlelweni lokuvundulula ikhono lokucula, ama-Idols, uSindi Nene.

Ngesikhathi abamaphepha bexhumana noMafokate uthe: "Ngiyakuzonda ukuphawula ngalezi zindaba. Angiphathekile kahle okwamanje, futhi ngithola usizo kosolwazi."

Ngesikhathi kuthintwa umphathi wakhe, uBrian Mokoena, ukuqinisekisile ukuhamba kukaChomee wathi kuyabakhubaza ukulahlekelwa yilo mculi ngoba kukhona abamfaka umoya omubi, wathi kuzomsiza ukuthi asheshe akubone lokhu.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.