Udedeliwe owazama ukushushumbisa imali ngobhanana ejele

2017-08-11 16:02

Johannesburg - Idedelwe ngesexwayiso indoda eneminyaka engu-19 ubudala eyaphula umthetho weCorrectional Services Act 111 ka-2008, Section 118, 119 no-121.

Kulindeleke ukuba iphinde ivele enkantolo ngomhlaka-13 Septhemba eMpumalanga, kubika iBarberton Times.

Le ndoda kanye nabanye abantu abathathu, okubalwa kubo umfowabo, abadabuka eSecunda, baboshwa ngemuva kwezinsolo zokuzama ukushushumbisa imali engu-R600 ejele laseBarberton besebenzisa obhanana.

OLUNYE UDABA: Kuboshwe abazame ukushushumbisa izidakamizwa ngeBhayibheli

Bonke kwadingeka ukuba bachithe impelasonto ejele. Bavela enkantolo ngoMsombuluko, icala labasolwa abathathu alizange libhalwe emabhukwini enkantolo, ngakho bangavela phambi kweMantshi uLucky Mhlanga. Kwavela umsolwa oyedwa ngecala lokuphambana nomthetho weCorrectional Services Act 111 of 2008, Section 118, 119 and 121.

UMhlanga udedelwe ngesexwayiso kanti kulindeleke ukuba avele enkantolo ngomhlaka-13 Septhemba.

Ngokusho kukaMesiah Hlungwani, okhulumela uMnyango wezokuHlunyuleliswa kweziMilo, kwaboshwa amadoda amane ngemuva kwezinsolo zokushushumbisa imali engu-R600 ejele laseBarberton.

Uthi abasolwa babevakashele isihlobo kuleli jele ngesikhathi kubonakala ubhasikidi owawunezithelo, obhanana nama-aphula. Lo bhasikidi owawuphathelwe isiboshwa, waseshwa ngojele ngesikhathi kutholakala imali kuwo eyayigxishwe kobhanana, ababesikwe kancane.

Le mali yayigxishwe kobhanana abathathu.

UHlungwani uthe umphakathi usuke waxwayiswa ngalokhu ngaphambilini, waxwayiswa nangokuthi labo abayotholwa beshushumbisa bazobhekana nengalo yomthetho.


NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.