UDumisa Ntsebenza ugxeka uphrojusa wefilimu engempilo kaWinnie

2018-04-17 19:29

U-Advocate Dumisa Ntsebeza usekhwele wadilika kumqondisi wefilimu engempilo yeqhawe lomzabalazo elingasekho emhlabeni, uWinnie Madikizela-Mandela, wathi ubenezinhloso ezithile ngayo.

UNtsebeza, owayengukhomishana ngesikhathi kuqhubeka iTruth and Reconciliation Commission, uthe kucace bha ukuthi uPascale Lamche ubenezinhloso ezithile ngendlela alutshengise ngayo lolu daba.

"Iyamangaza indaba yongabakhathaleli abanye abantu etshengiswe wuphrojusa. Kule documentary uzwakala ethi: 'Angizange ngimnikeze ithuba lokuziphendulela uSydney Mufamadi'. Thina njengabameli nezintatheli siyazi ukuthi kubalulekile ukunikeza umuntu ithuba lokuziphendulela, ikakhulukazi uma esolwa ngento ebucayi," kusho uNtsebenza.

Ngesikhathi enengxoxo neNews24, uNtsebeza uthe ayimphathanga kahle indlela uLamche aziphathe ngayo.

OLUNYE UDABA: UMama Winnie ubulawe wubuhlungu benhliziyo, kusho osondelene nomndeni

"Ngokwakhe ufuna ukudlulisa umbono othile. Ulwazi oluningi ubeluthatha kwiStratcom futhi wangabathinta abanye abantu ukuqinisekisa lolo lwazi.

"Siyazi ukuthi abantu ababengenacala babegaxwa amathayi."

UNtsebeza usole uLamche "ngokungabakhathaleli abantu bethu".

"Enye inkinga enginayo wukuthi athi abantu bakuleli kumele bathole iqiniso. Lokho kutshengisa ukubukela phansi izintatheli zakuleli. Asidingi ukuthi kube nguye oxoxa ngempilo kaMama (Winnie Madikizela-Mandela). UMama wayengumuntu njengathi sonke. Wayengeyena ungcwelengcwele."

UNtsebeza uthi esikhundleni sokuthi izwe lizilele uMadikizela-Mandela, seligxile kule documentary.

Udaba oluphelele lapha.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.