Johannesburg
– Owesilisa waseLimpopo owabamba iPowerball ka-R87.6 million ugcine ephumelile
obala waxhumana nabakwaLotto ukuze alande umklomelo wakhe.
Lo
wesilisa wawina le mali ngesonto eledlule ngemuva kokuthenga ithikithi egalaji
likaphethiloli eliseMokopane.
Le mali ingeyesine ngobukhulu ukuwinwa emhlandweni
weLotto eNingizimu Afrika.
OLUNYE
UDABA: Uhluleke nokuzibamba izinyembezi owase-Soweto owine i-Lotto
Okhulumela
iThuba, okuyinkampani eyongamele iNational
Lottery, uZukiswa Nomnganga uthe: “Le ndoda ixhumanile namahhovisi ethu
asePolokwane ngoLwesibili ebusuku.
“Siliqinisekile leli thikithi uthi lisemthethweni kepha
besingakayikhiphi imali ngenxa yokuthi sisenza amalungiselelo okuhlangana nale
ndoda ewinile.”
