Ugoloza ukudlala umdlali ongenele isiteleka

2017-01-31 16:03

Cape Town – Umgadli weLeicester City, uLeonardo Ulloa, usengenele isiteleka kanti usefunge wagomela ukuthi angeke esaphinde adlalele leli qembu ngemuva kokuthi egxeke umqeqeshi, uClaudio Ranieri, ngokumdayisa.

Embhalweni awufake enkundleni yezokuxhumana, iTwitter, u-Ulloa ubhale ukuthi: “Ngizizwa ngidayisiwe uRanieri futhi ngenzelwa phansi yikilabhu. Angeke ngiphinde ngibadlalele...”

Lo mgadli wase-Argentina, osaqale imidlalo emibili kule sizini, washaya igoli elilodwa, ufake isicelo sokushiya kuleli qembu ngesonto eledlule ngaphambi kokuba iqembu laseSpain, i-Alaves, libeke etafuleni isizumbulu semali engu-£1.7 million yokuthenga lo mdlali kodwa lachithwa yizikhulu zeLeicester.

OLUNYE UDABA: Umdlali uthi uyazisola ngokujoyina iChiefs

ISunderland izimisele ngokusayina lo mgadli yize noma iLeicester ithi angeke ize idayisele iqembu eliyizimbangi. IGalatasaray nayo ifuna ukusayina lo mdlali ngokwesivumelwano sokubolekisa.

U-Ulloa, nobenganeme neze, utshele iSky Sports: “Ngibuhlungu kakhulu ngalesi simo.

“Ngibe neminyaka emibili emihle ekilabhini kodwa manje, ngokwesimo sami – ngingadlali futhi ngingeyona ingxenye yezinhlelo zeqembu – ngikholwa ukuthi indlela engcono kubhekwe phambili ukuthi ngishiye futhi ngingajabula kwenye indawo.

“Umqeqeshi ubelokhu engitshela ezinyangeni ezintathu ezedlule kanye nasemasontweni amabili edlule ukuthi uma kufika isiphakamiso esilinganiselwa ku-£4-5m ekilabhini, uzongisiza ngishiye.

“Ukuqonda kwami ukuthi zikhona iziphakamiso ezigijima kulelo nani noma ngisho nangaphezulu kwalokho ezingabukwa.

“Ngemuva kwento uRanieri ebelokhu engitshela yona amasonto, namhlanje ungitshela ukuthi ufuna ukuthi ngihlale,” kuqhuba lo mdlali ethi akazi ukuthi kungani bengafuni ukumdedela ukuze azidlalele kwelinye iqembu. 

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.