Ugwetshwe kanzima owadlwengulela abesifazane endlini yesonto

2018-04-15 11:02

Johannesburg - Isigebengu esinamacala ahlanganisa nawokudlwengulela abantu ababili besifazane esontweni eLimpopo, sigwetshwe odilikajele amathathu kanye neminyaka engu-48 sibhadla ejele.

U-Ofhani Magwaba, 35, usanda kugwetshwa yiNkantolo eNkulu eThohoyandou ngamacala amathathu okudlwengula, amathathu okubamba inikunzi ngesihluku, ukugqekeza, phakathi kuka-2009 no-2013.

Okhulumela amaphoyisa uLieutenant Colonel Moatshe Ngoepe uthi inkantolo yatshelwa ukuthi ngoNovemba 2009, uMagwaba wagqekeza emzini wowesifazane oneminyaka engu-56 ubudala, nokuyilapho amdlwengula khona wamthathela no-R500 emkhombe ngommese.

OLUNYE UDABA: Useboshiwe oweqa ejele eminyakeni engu-35 edlule

"Kwesinye isigameko, umsolwa wahlangana nesalukazi esineminyaka engu-68 ubudala sizihambela siphuma esontweni. Wasisabisa ngommese, wasidlwengula, wasithathela u-R1000,” kusho uNgoepe.

"Eqhubeka nemikhuba yakhe, umsolwa waya esontweni eThohoyandou ngezithuba zabo-23:30 nokuyilapho ahlangana khona nonkosikazi kamfundisi, yisisebenzi sasendlini kanye nezingane. Wagwaza umka mfundisi, wamdlwengula kanye nesisebenzi sasendlini phakathi esontweni, wabathathela izinto ezihlanganisa omakhalekhukhwini kanye nemali.”

Ukhomishana wamaphoyisa eLimpopo uLieutenant General Nneke Ledwaba uwashayele ihlombe amaphoyisa ngokubopha umsolwa nokuqinisekisa ukuthi uyavalelwa.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.