Ugwetshwe kanzima umelaphi wendabuko owadlwengula izingane ezimbili

2018-05-06 15:34

INkantolo yasiFunda eNebo, eLimpopo, yehlise isigwebo sodilikajele ababili kumelaphi wendabuko ngemuva kokuba elahlwe yicala lokudlwengula izingane ezimbili.

Le ndoda eneminyaka engu-38 ubudala, ngeke idalulwe ukuze kuvikeleke izingane eyazidlwengula.

Okhulumela iNational Prosecuting Authority esifundazweni uMashudu Malabi-Dzhangi uthe lo melaphi wadlwengula lezi zingane phakathi kuka-2014 no-2015.

“Esigamekweni sokuqala ngo-2014, inkantolo itshelwe ukuthi ingane eneminyaka eyishumi ubudala yayidlala nomzala wayo ngesikhathi ummangalelwa ethuma umzala esitolo ukuba ayomthengela okuthile," kusho uMalabi-Dzhangi.

OLUNYE UDABA: Usenyakanyakeni udokotela osolwa ngelokudlwengula

Uthi ngesikhathi umzala esahambile, ummangalelwa wayengela le ngane egumbini lakhe lokulala, wafika phakathi wayikhumula ngaphambi kokuba ayidlwengule.

Kwathi uma eseqedile, wayinikeza u-R15 wayisabisa ngokuyibulala uma ike yathi vu ngokwenzekile.

Esigamekweni sesibili, esenzeka ngoMashi 2015, ummangalelwa wabizela kwakhe ingane eneminyaka emihlanu ubudala, enza sengathi ufuna ukuyithuma esitolo.

"Kwathi uma le ngane ifika endlini wayigibelisa embhedeni, wabe eseyayidlwengula. Ummangalelwa kuthiwa uhlobene nesisulu,” kusho uMalabi-Dzhangi.

Ngesikhathi kuqhubeka icala, le ndoda ibilokhu iphike njalo ukuthi yazidlwengula lezi zingane.

Udaba oluphelele lapha.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.