Ugwetshwe odilikajele abangu-15 umdlwenguli

2017-09-14 16:01

Cape Town – Owalahlwa amacala okudlwengula, uSikangele Mki, ugwetshwe odilikajele abangu-15 ebhadla ejele neminyaka engu-120 ngaphezulu.

Isigwebo uzosidonsa kanye kanye.

Lo mdlwenguli oneminyaka engu-34 ubudala waboshwa ngonyaka odlule kulandela uphenyo olwadonsa iminyaka emihlanu.

UMki ubeligqolozele ngqo ijaji ngesikhathi limtshela ukuthi uzochitha impilo yakhe yonke ejele.

Wawavuma wonke amacala angu-84 ayethweswe wona, okubalwa kuwona nangu-30 okudlwengula.

OLUNYE UDABA: Kuboshwe izelamani ngezinsolo zokubulala umakhelwane

Lo mdlwenguli ngesonto eledlule utshele inkantolo ukuthi uyaxolisa ngezenzo zakhe.

Lona wayehlasela abesifazane nezingane endaweni yaseDelft naseKhayelitsha phakathi kuka-2011 no-2015.

Izisulu ezingu-9 zazingaphansi kweminyaka engu-16 ubudala, kanti esincane kunazo zonke sasineminyaka engu-11 ubudala. 

Kolunye udaba, indoda esolwa ngokudlwengula umzala wayo imkhombe ngommese, izosilalela ngomhlaka-27 Septhemba isigwebo sayo eNkantolo yesiFunda yaseMhala.

Le ndoda ilahlwe yicala lokudlwengula eyalenza ngo-2014 eGreen Valley, e-Acornhoek.

Ngaphambilini, umsolwa uBilly Mokoena, waliphika icala watshela inkantolo ukuthi wayethandana nomzala wakhe. Wathi wamucela ukuthi amthengele iziphuzo endaweni yokucima ukoma ngaphambi kokuba bazibandakanye ocansini.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.