Uhulumeni waseLesotho ugxekiwe ngokuvala isiteshi 'esimelene nohulumeni'

2017-09-22 14:00

Maseru – Uhulumeni waseLesotho kuthiwa ususivikele isinqumo sawo sokuvala isiteshi somsakazo ebesingekho ngaphansi kukahulumeni esithathwa njengesimelene nohulumeni.

Ngokusho kombiko we-SABC, uhulumeni uthe isinqumo sawo simayelana nokuthi izwe lisenkingeni njengoba ezokuphepha zibukeka zisengcupheni.

UNgqongqoshe wezokuXhumana, ezeSayensi nobuChwepheshe, uJoang Molapo, uthe uhulumeni awunaso isikhathi sokuvala umlomo abezindaba, kepha unelungelo lokuthatha izinyathelo uma ukuphepha kwezwe kusenkingeni.

OLUNYE UDABA: UNyazi lunesifso sokuthenga isiteshi somsakazo

UMolapo ucashunwe ethi izikhulu zike zakhuluma "ngezinto ezithile" ezizwakala kulo msakazo ezingase ziphazamise ukuphepha kwezwe, zase zixhumana nomhleli omkhulu kulo msakazo iMoafrika FM, uCandy Ramainoane, ukuba azigweme lezo zindaba, ikakhulukazi uma zingelona iqiniso.

"Kungenye into ukuvikela iqiniso, kepha uma umuntu elokhu eqhubeka nokumela into engamanga nenehaba engase idale ukuthi abantu bezwe bakhathazeke, lapho-ke sinalo ilungelo lokwenza into esicabanga ukuthi ifanale," kusho uMolapo.

Inhlangano elwela amalungelo abantu i-Amnesty International ikugxekile lokhu, yathi ukuvalwa kwalesi siteshi kuwumkhankaso oqhubekayo wokusatshiwa nokuphathwa ngesandla sensimbi kwabezindaba.

 


NEXT ON NEWS24X

AB praises selfless skipper

2010-11-21 18:15

Inside News24

 
Most Read
News In Your Area
Top Lifestyle
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.