UKhisimusi omuhle kubalandeli beKaizer Chiefs

2016-12-22 07:01

Durban - IGolden Arrows yamukele iKaizer Chiefs enkundleni yaseMoses Mabhida ngoLwesithathu ebusuku emdlalweni we-PSL.

Womabili la maqembu abonakale ezimisele eqala umdlalo ngegiya eliphezulu kakhulu.

Ngokuhamba kwesikhathi, aMakhosi athathe igxathu lokuwuhola umdlalo ibhola lilawulwa yiwona, kodwa ehluleka ukuqedela.

OLUNYE UDABA:Kaizer Chiefs: Okuhlula amadoda kuyabikwa

I-Arrows ibibonakala intekenteke nokuyinto eyilimaze kakhulu ivulela iChiefs ithuba lokuyithela induku ngemizuzu-29 lapho uRamahlwe Mphahlele ephakele uBernard Parker ibhola elihle kakhulu babhalisa igama labo ebhodini.

I-Arrows izamile nayo ukuzakhela amathuba uSbusiso Sibeko eveza amakhono akhe kodwa wala u-Erick Mathoho.

Akagcinanga lapho uSibeko ngoba ubeselekelelana no-Andile Fikizolo bezwa amanzi ngobhoko lapha uNhlanhla Brilliant Khuzwayo kwasho khona ukuthi akulona usuku lwabo.

Avuke ama ngezinyawo aMakhosi ahlukanisa izinsizwa ebafaneni ngomzuzu-74 lapho u-Edmore Chirambadare ephakele uSiphiwe Tshabalala into ehambela phezulu waliphonsa phakathi.

Lo mdlalo uphele ibhodi lithi 2-0 aMakhosi enikeza abalandeli uKhisimusi omuhle, kubika iSoccer Laduma.

NEXT ON NEWS24X

AB praises selfless skipper

2010-11-21 18:15

Inside News24

 
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.