UKomphela akazimisele ngokugudluka kwiChiefs

2017-11-27 14:02

Durban - USteve "Mphathi" Komphela ongumqeqeshi weKaizer Chiefs ugcizelela eyokuthi ngeke nangengozi abaleke kule kilabhu yize ebona ukuthi kunenkinga enkulu.

IChiefs ishayane yaze yabukana neFree State Stars ngo-1-1 koweligi ngoMgqibelo ebusuku eMoses Mabhida Stadium, eThekwini.

Igoli leFree State Stars kube wumkhonto ogwaze ekhaya kaDaniel Cardoso oyisitobha seChiefs, kwathi eleziMpofana lashaywa nguBernard Parker.

Nakulo mdlalo kugqame le nto okuhlale kukhalwa ngayo yokushwetshwa kwamathuba alula ngamakilabhu akuleli. IChiefs nakuba ingadlalanga ibhola elitheni kodwa ithole amathuba angcono yangawasebenzisa.

OLUNYE UDABA: Umgadli weChiefs uvikela uKomphela ngokuboza kwekilabhu

UKomphea uthi yize isimo sinzima kodwa ngeke aliphonse ithawula.

"Yinkinga le esibhekene nayo yokushwetshwa kwamagoli. Ngiyazi ukuthi njalo ngihlale ngikhuluma into eyodwa, kangizenzi, yisimo. Siyisebenza njalo le nto ejimini kodwa uma sesifika emdlalweni kuvele kwenzeke enye into.

"Nokho ngeke ngiliphonse ithawula, wumsebenzi wami njengomqeqeshi ukulungisa le nkinga. Ngizokulwa nayo kuze kufike ekugcineni," kuchaza uKomphela.

Thola udaba oluphelele kwiLANGA lanamuhla.

NEXT ON NEWS24X

AB praises selfless skipper

2010-11-21 18:15

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.